Minister Boekhoudt ta bishitá Fundación Santa Fe pa eksplorá oportunidatnan den kuido spesialisá – Minister Boekhoudt bezoekt Fundación Santa Fe om mogelijkheden voor gespecialiseerde zorg te verkennen
Minister Boekhoudt ta bishitá Fundación Santa Fe pa eksplorá oportunidatnan den kuido spesialisá
Publiká riba 03 Yüni 2026
Bogotá, Colombia – 3 yüni – Komo parti di su bishita di trabou na Colombia, Minister di GMN Tyron Boekhoudt, huntu ku representantenan di SVB i otro miembro di e delegashon di Kòrsou, a bishitá Fundación Santa Fe, un di e institushonnan médiko mas prestihioso di Colombia i di nos region.
Durante e bishita, e delegashon a risibí diferente presentashonnan tokante e servisionan ku e institushon ta ofresé, ku enfoke spesial riba kardiologia, kuido pa kemaduranan i e organisashon general di e hospital. E presentashonnan a duna un bista amplio riba e kapasidat médiko, teknologianan avansá i e manera ku Fundación Santa Fe ta organisá kuido kompleho i di haltu kalidat.
Ademas di e presentashonnan, e delegashon a risibí un rekorido di e fasilidatnan di e hospital. Durante e rekorido, nan a por konosé e infrastruktura moderno, departamentonan spesialisá i e metodonan ku ta kontribuí na e kalidat haltu di kuido ku nan ta ofresé.
Minister Boekhoudt a enfatisá ku e bishita ta forma parti di e esfuersonan di Kòrsou pa fortifiká kolaborashonnan internashonal i promové interkambio di konosementu ku institushonnan di kuido ku ta lider den nan sektor.
“Pa sigui mehorá nos sistema di salú, ta importante pa siña for di institushonnan ku ta mundialmente rekonosí pa nan kalidat i inovashon. E tipo di bishitanan aki ta brinda konosementu balioso ku por kontribuí na desaroyo kontinuo di kuido di salú na Kòrsou,” segun Minister Boekhoudt.
E reunion a representá un oportunidat importante pa interkambiá eksperensianan, eksplorá áreanan di posibel kolaborashon i haña un miho komprondementu di e ekspertisio ku Colombia tin den tereno di kuido spesialisá.
Gezondheid, Milieu & Natuur
Minister Boekhoudt bezoekt Fundación Santa Fe om mogelijkheden voor gespecialiseerde zorg te verkennen
Geplaatst op 03 06 2026
Bogotá, Colombia – 3 juni Als onderdeel van zijn werkbezoek aan Colombia heeft minister van Gezondheid, Milieu en Natuur, de heer Tyron Boekhoudt, samen met vertegenwoordigers van de Sociale Verzekeringsbank (SVB) en andere leden van de Curaçaose delegatie een bezoek gebracht aan Fundación Santa Fe de Bogotá, een van de meest gerenommeerde medische instellingen van Colombia en de regio.
Tijdens het bezoek ontving de delegatie verschillende presentaties over de dienstverlening van het ziekenhuis, met bijzondere aandacht voor cardiologie, de brandwondenzorg en de algemene organisatie van het ziekenhuis. De presentaties boden inzicht in de medische capaciteit, geavanceerde technologieën en de manier waarop Fundación Santa Fe hoogwaardige en complexe zorg organiseert.
Naast de inhoudelijke presentaties kreeg de delegatie een rondleiding door de faciliteiten van het ziekenhuis. Hierbij werd kennisgemaakt met de moderne infrastructuur, gespecialiseerde afdelingen en innovatieve werkwijzen die bijdragen aan de kwaliteit van zorg.
Minister Boekhoudt benadrukte dat het bezoek deel uitmaakt van de inspanningen van Curaçao om internationale samenwerkingen te versterken en kennis uit te wisselen met toonaangevende zorginstellingen.
“Om onze gezondheidszorg verder te verbeteren, is het belangrijk om te leren van instellingen die internationaal erkend worden voor hun kwaliteit en innovatie. Dit soort bezoeken biedt waardevolle inzichten die kunnen bijdragen aan de verdere ontwikkeling van de zorg op Curaçao,” aldus minister Boekhoudt.
De bijeenkomst vormde een belangrijke gelegenheid om ervaringen uit te wisselen, mogelijke samenwerkingsgebieden te verkennen en inzicht te krijgen in de expertise die Colombia te bieden heeft op het gebied van gespecialiseerde zorg.