Gobièrnu di Boneiru · 𝐁𝐚𝐧 𝐦𝐢𝐫𝐚 𝐛𝐞̀𝐤 𝐫𝐢𝐛𝐚 𝐞 𝐬𝐞𝐬𝐡𝐨𝐧 𝐝𝐢 ‘𝐏𝐫𝐨𝐭𝐞𝐡𝐚́ 𝐦𝐢’ 𝐧𝐚 𝐊𝐚𝐫𝐩𝐚𝐭𝐚 – 𝟕 𝐝𝐢 𝐲𝐮̈𝐧𝐢 𝟐𝟎𝟐𝟔

E proyekto di ‘Protehá mi’ a kuminsá na aña 2025 pa protehá e patrimonio boneriano riku. Durante e tayernan arkeológiko di aña pasá nos a puntra e partisipantenan di ki manera nan ta haña ku mester protehá e patrimonio boneriano i kua ta e sitionan ku nan konosé kaminda posibelmente tin sitio di hayasgo arkeológiko, pa por protehá esakinan mas mihó. E partisipantenan por a indiká sitionan ku por a keda investigá pa medio di inspekshon arkeológiko den vèlt.

E tipo di investigashon akí ta enfoká riba konservashon, kaminda tòg por kolektá informashon tokante e grandura, e kalidat i e kantidat di aña di e sitionan akí na Boneiru. Durante e inspekshonnan den vèlt akí e partisipantenan ta siña kon ta ehekutá inspekshon arkeológiko den vèlt i trabou na sitionan di hayasgo arkeológiko. Banda di esaki nan ta haña informashon tokante ophetonan ku por haña na Boneiru i konhuntamente nos ta deliberá tokante kon nan ta haña ku por protehá e patrimonio akí mas mihó na Boneiru.

Danki na tur ku tabata presente.

Abo lo tei e próksimo biaha?

𝑷𝒓𝒐𝒚𝒆𝒌𝒕𝒐 𝑷𝒓𝒐𝒕𝒆𝒉𝒂́ 𝑴𝒊: 𝑮𝒐𝒕𝒐𝒎𝒆𝒆𝒓/𝑳𝒂𝒈𝒖𝒏 >

𝑷𝒓𝒐𝒚𝒆𝒌𝒕𝒐 𝑷𝒓𝒐𝒕𝒆𝒉𝒂́ 𝑴𝒊: 𝑲𝒂𝒐𝒎𝒂𝒕𝒊 >

𝑷𝒓𝒐𝒚𝒆𝒌𝒕𝒐 𝑷𝒓𝒐𝒕𝒆𝒉𝒂́ 𝑴𝒊: 𝑭𝒐𝒏𝒕𝒆𝒊𝒏 >

E programa kompleto di Luna di Emansipashon ta disponibel via https://shorturl.at/qem0h

𝑁𝑜𝑠 𝑝𝑎𝑠𝑎𝑑𝑜, 𝑛𝑜𝑠 ℎ𝑒𝑟𝑒𝑛𝑠𝑖𝑎

𝑁𝑜𝑠 𝑓𝑢𝑡𝑢𝑟𝑜, 𝑛𝑜𝑠 𝑜𝑏𝑟𝑎

Luna di Emansipashon a bira posibel ku sosten di Entidat Públiko Boneiru, Ministerio di Enseñansa, Kultura i Siensia i e Komishon di Konmemorashon di Pasado di Sklabitut.