Minister di Aruba Geoffrey Wever 𝗕𝗼𝗻 𝗴𝗼𝗯𝗲𝗿𝗻𝗮𝗰𝗶𝗼𝗻 𝘁𝗮 𝗰𝘂𝗺𝗶𝗻𝘀𝗮 𝗰𝘂 𝘂𝗻 𝗯𝗼𝗻 𝗺𝗮𝗻𝗲𝗵𝗼 𝗶𝗻𝘁𝗲𝗴𝗿𝗮𝗹 𝗱𝗶 𝗻𝗼𝘀 𝗳𝗶𝗻𝗮𝗻𝘀𝗮 𝗽𝘂𝗯𝗹𝗶𝗰𝗼.

Awe mi a reuni cu e Begrotingscoordinatoren di tur ministerio y team di Directie Financiën.

Un bon coordinacion presupuestario no ta simplemente un proceso administrativo. E ta e base di un gobierno cu sa unda cada florin ta bay, pakico e ta wordo gasta y ki resultado e ta produci pa nos pueblo.

Cada florin cu Gobierno di Aruba ta inverti ta placa di pueblo. P’esey, cada gasto mester ta responsabel, transparente y alinea cu e prioridadnan nacional y di acuerdo cu e cuadro financiero segun nos leynan vigente.

Tur decision mester ta basa riba dato, analisis y disciplina. Pa logra esey, tur ministerio mester traha den e mesun direccion, cu e mesun nivel di responsabilidad y compromiso. E iniciativa di e reunion di awe mainta, cu continuacion structural, ta confirma un bes mas cu nos tin e determinacion pa sigui fortifica e cultura di disciplina presupuestario den henter aparato gubernamental.

Como Minister di Finansa, mi ta mira e maneho responsabel di nos recursonan como un obligacion cu nos tin cu cada ciudadano. Pasobra finansas publico solido ta e resultado di un esfuerso conhunto, y ta forma e base pa un Aruba mas fuerte, mas resiliente y cu mas oportunidad pa nos tur.