KOLEGIO SANTA CLARA TA SELEBRÁ TRES AÑA DI BIBLIOTEKA  – KOLEGIO SANTA CLARA VIERT DRIE JAAR BIBLIOTHEEK 

KOLEGIO SANTA CLARA TA SELEBRÁ TRES AÑA DI BIBLIOTEKA  

WILLEMSTAD – Kolegio Santa Clara RKCS, skol básiko na Jan Doret, ta selebrá e di tres aniversario di su biblioteka eskolar. Loke a kuminsá komo un inisiativa pa stimulá e gana pa lesa bou di mucha a krese bira un programa di lesamentu kompleto ku 1.500 título, kuater boluntario i resultadonan ku por wòrdu midí: e aña eskolar aki, kasi tur mucha a lesa diesdos buki, algun asta dieseis.

E biblioteka di Kolegio Santa Clara no ta djis un bentana di fia buki. Tur klas ta risibí un buki kada dos siman. Pa gruponan 1 te ku 4, e boluntarionan ta selektá e bukinan i ta match nan ku e nivel di lesamentu. For di grupo 5 e muchanan mes ta skohe nan buki, pero nunka sin guia. E boluntarionan ta yuda nan den konsulta ku e maestro di klas pa asina e buki kuadra ku e nivel di lesa di e mucha.

Kompartí

Ora di entregá, e studiantenan di e klasnan mas haltu tin ku kompartí algu riba e buki: por ehèmpèl e esena ku mas nan a gusta, òf nan momentu faborito di e buki. Tin be nan tin ku lesa un pida di e buki sin ku a prepará adelantá. Tambe ta puntra e mucha si nan ta rekomendá e buki pa otro muchanan den klas. Títulonan ku ta wòrdu rekomendá be tra’i be ta wòrdu usá mas frekuentemente dor di e supervisornan ora e muchanan no por hasi un eskoho riba nan mes.

“Pa logra ku muchanan lesa, ta importante pa e bukinan ta liñá ku nan interesnan”,  asina Jorge Cuartas, fundadó di e biblioteka, ta bisa. “Lesamentu tin dos komponente importante. Promé, bo mester siña lesa, i despues muchanan mester disfrutá di lesamentu. Nos biblioteka ta yuda ku e último.”

E buki korekto

E kurason di e biblioteka ta un sistema di registrashon ku ta mustra kua buki kada studiante a lesa, kiko su interesnan ta, i kon fásil òf difísil e la hañá e buki. Asina ku un mucha mustra un preferensia pa un género, un seri òf un tema, e boluntarionan ta bai buska mas título ku ta kuadra ku nan interes.

E guiamentu personal ei ta bayendo hopi bon. Tur hende di grupo 3 bai ariba por nombra por lo menos un buki faborito ku nan a lesa den e aña eskolar aki. Sierto títulonan ta hopi gustá: e seri di Boomhut, Dolfje Weerwolfje, Fantasia, e seri di Loser, Dagboek van een Muts, Kippenvel, e seri di Mummie i Heksje Lilly ta riba e lista di faborítonan apsoluto.

 

“Nos skol tin un programa di lesamentu amplio,” direktora Sjadezka Dewindt ta bisa. “Ademas di e biblioteka, nos ta midi regularmente e nivel di lesamentu di AVI den gruponan chikí. Tambe, huntu ku e biblioteka, nos ta ofresé un programa di lesamentu den kua e supervisornan ta yuda e muchanan ku palabranan ku nan no ta komprondé òf ku e pronunsiashon korekto. Naturalmente, nos ta partisipá tambe den e programa di lesamentu dilanti klas di nos Biblioteka Nashonal. Dor di tur e esfuersonan aki, e resultadonan di lesamentu na skol a mehorá signifikantemente.”

Tres aña di dedikashon

E biblioteka ta wòrdu manehá kompletamente pa kuater boluntario, kada un ta partisipá den un òf mas parti di e programa. Nan ta selektá buki, tene kombersashon ku e muchanan, mantené e sistema di registrashon i konstantemente ta kordiná ku e maestronan. Tur buki den e biblioteka ta na Hulandes, loke tambe ta duna e biblioteka un ròl den desaroyo di idioma Hulandes di e alumnonan.

– – –

Riba e portrètnan nos por mira alumnonan di grupo 6 i 7 ku nan buki faborito den nan man, akompañá dor di direktora Sjadezka Dewindt i fundadó di e biblioteka Jorge Cuartas.

 

---

 

 

KOLEGIO SANTA CLARA VIERT DRIE JAAR BIBLIOTHEEK 

WILLEMSTAD – Kolegio Santa Clara RKCS, basisschool in Jan Doret, viert de derde verjaardag van haar schoolbibliotheek. Wat begon als een initiatief om het leesplezier van leerlingen te stimuleren, is uitgegroeid tot een volwaardig leesprogramma met 1.500 titels, vier vrijwilligers en meetbare resultaten: dit schooljaar lazen bijna alle leerlingen twaalf boeken, sommigen zelfs zestien.

De bibliotheek van Kolegio Santa Clara is geen gewone uitleenbalie. Alle klassen krijgen om de twee weken een boek. Voor groep 1 tot en met 4 selecteren de vrijwilligers de boeken en stemmen die af op het leesniveau. Vanaf groep 5 kiezen de kinderen zelf hun boek, maar nooit zonder begeleiding. De vrijwilligers sturen hen in overleg met de klassenleerkracht aan, zodat het boek aansluit op het leesniveau van het kind.

Delen

Bij het inleveren wordt leerlingen van de hogere groepen gevraagd iets te delen over het boek: een scène, hun favoriete moment, of soms een passage die ze spontaan moeten voorlezen. Ook wordt hen gevraagd of ze het boek aan klasgenoten zouden aanbevelen. Titels die keer op keer worden aanbevolen, worden door de begeleiders vaker ingezet als kinderen zelf geen keuze kunnen maken.

“Om kinderen aan het lezen te krijgen, is het belangrijk dat de boeken aansluiten op hun belangstellingen”, zegt Jorge Cuartas die de bibliotheek heeft opgezet. “Lezen heeft twee belangrijke componenten. Eerst moet je leren lezen, daarna moeten de kinderen plezier krijgen in het lezen. Onze bibliotheek helpt met dat laatste.”

Juiste boek 

Het hart van de bibliotheek is een registratiesysteem dat per leerling bijhoudt welke boeken hij leest, wat de interesses van het kind zijn en hoe makkelijk of moeilijk het boek werd gevonden. Zodra een kind een duidelijke voorkeur toont voor een genre, een serie of een onderwerp, zoeken de vrijwilligers actief naar andere titels die daarbij aansluiten.

Die persoonlijke aanpak werpt vruchten af. Iedereen vanaf groep 3 kon dit schooljaar minimaal één boek noemen dat hij of zij in dit schooljaar als favoriet beschouwt. Bepaalde titels lopen storm: de Boomhut-serie, Dolfje Weerwolfje, Fantasia, de Loser-serie, Dagboek van een Muts, Kippenvel, de Mummie-serie en Heksje Lilly behoren tot de absolute favorieten.

 

“Onze school heeft een volledig leesprogramma”, zegt directrice Sjadezka Dewindt. “Behalve de bibliotheek, meten we regelmatig in kleine groepen het AVI-leesniveau. Daarnaast bieden we samen met de bibliotheek en leesprogramma aan, waarin de kinderen door de begeleiders geholpen worden met woorden die ze niet begrijpen of met de juiste uitspraak. Verder doen we natuurlijk ook mee met het voorleesprogramma van onze Nationale Bibliotheek. Als gevolg van al deze inspanningen zijn de leesresultaten op school sterk vooruitgegaan.”         

Drie jaar toewijding

De bibliotheek wordt volledig gedraaid door vier vrijwilligers, die elk betrokken zijn bij één of meer onderdelen van het programma. Zij selecteren boeken, voeren gesprekken met de kinderen, houden het registratiesysteem bij en stemmen voortdurend af met de leerkrachten. Alle boeken in de bibliotheek zijn Nederlandstalig, wat de bibliotheek ook een rol geeft in de Nederlandse taalontwikkeling van de leerlingen.

– – – 

Op de foto’s zien we leerlingen van groep 6 en 7 met hun favoriete boek in de hand, samen met directrice Sjadezka Dewindt en oprichter van de bibliotheek Jorge Cuartas.