Entidat Públiko Boneiru ta lansa ofishalmente Trahadó di Presupuesto

24 jun 2026

Esaki ta un material di lès ku diferente organisashon sosial na Boneiru lo bai traha kuné.

Riba 22 di yüni diputado Timoteo Silberie a lansa ofishalmente e Trahadó di Presupuesto (Budgetplanner). Trahadó di Presupuesto ta un material di lès ku diferente organisashon sosial na Boneiru lo bai traha kuné. E ta yuda habitantenan pa haña mas konosementu di nan asuntunan finansiero i atendé mihó ku nan entrada i gastunan.

Durante e lansamentu ofishal di e Trahadó di Presupuesto, diputado Silberie a enfatisá importansia di konsiensia finansiero i prevenshon: “Independensia finansiero ta kuminsá ku konosementu. Dor di duna habitantenan e instrumentonan korekto, nos por sigui konstruí huntu ku nos partnernan na un Boneiru kaminda ménos hende ta haña nan mes den un situashon di debe problemátiko i kaminda mas habitante tin kontrol riba nan futuro finansiero.”

Den kuadro di e aserkamentu di problemanan finansiero, Direktorado Komunidat i Kuido di Entidat Públiko Boneiru a organisá un programa di ‘train-de-trainer’ (entrená e entrenadó) na òktober 2025. Esaki a tuma lugá huntu ku Nationaal Instituut voor Budgetvoorlichting (Nibud). Na e treinen akí a partisipá representantenan di shete organisashon sosial.

Nibud ta un instituto di konosementu i informashon independiente riba tereno di finansa doméstiko i ta hasi esfuerso pa logra un Hulanda sin problema finansiero. Durante e treinen akí a pone e fundeshi pa desaroyá e Trahadó di Presupuesto. E material di lès práktiko akí ta sostené profeshonalnan ku ta guia habitantenan ora tin problemanan finansiero.

Desaroyo di e Trahadó di Presuesto ta konektá ku e Plan di programa “Traha pa logra Prosperidat i Bienestar di Boneiru” (“Werken naar Welvaart en Welzijn van Bonaire”). A base di e programa akí a forma diferente tim di trabou, entre otro e tim di trabou Debe.

E tim akí ta konsistí di representantenan di Entidat Públiko Boneiru, sekshon Trabou Sosial Finansa di Sentro Akseso, ministerio di Asuntunan Sosial i Empleo (SZW) i NVVK (e organisashon di sektor pa ayudo di debe i asistensia finansiero). Den e tim di trabou ta trahando pa sigui desaroyá mas e trayekto legislativo, ayudo ku saniamentu di debe, sosten preventivo i maneho di presupuesto. Ademas ta hasi esfuerso pa logra un kooperashon fuerte entre e partnernan di kadena.

Den e kuadro ei resientemente a organisá entre otro un seshon di trabou na Hulanda. Durante e enkuentro akí e partnernan a sera konosí ku e partnernan embolbí di Hulanda Oropeo. Tambe a diskutí posibilidatnan di kooperashon ku diferente munisipio na Hulanda manera Tilburg, Utrecht i Amsterdam.

Entidat Públiko Boneiru, den kolaborashon ku Sentro Akseso i otro partnernan, ta keda hasi esfuerso pa sigui desaroyá ayudo pa saniamentu di debe preventivo i kurativo. Pa medio di strategia-, aktividat- i akuerdonan di kooperashon nobo ta trahando pa fortifiká independensia finansiero i bienestar di habitantenan di Boneiru.

---

Officiële lancering van de Budgetplanner door het Openbaar Lichaam Bonaire

24 jun 2026

Dit is een lesmateriaal dat verschillende sociale organisaties op Bonaire gaan gebruiken

Gedeputeerde Timoteo Silberie heeft op 22 juni 2026 officieel de Budgetplanner gelanceerd. De Budgetplanner is een lesmateriaal dat verschillende sociale organisaties op Bonaire gaan gebruiken. Het helpt inwoners om meer inzicht te krijgen in hun geldzaken en beter met hun inkomen en uitgaven om te gaan.

Tijdens de officiële lancering van de Budgetplanner benadrukte gedeputeerde Silberie het belang van financiële bewustwording en preventie: “Financiële zelfredzaamheid begint met kennis. Door de inwoners de juiste instrumenten te geven, kunnen wij samen met onze partners blijven bouwen aan een Bonaire, waar minder mensen te maken krijgen met schuldenproblematiek en waar de inwoners controle hebben op hun financiële toekomst.”

In het kader van preventieve aanpak van financiële problemen, organiseerde de Directie Samenleving en Zorg van het Openbaar Lichaam Bonaire in oktober 2025 een train-de-trainer programma. Dit gebeurde met het Nationaal Instituut voor Budgetvoorlichting (Nibud). Aan deze training namen vertegenwoordigers van zeven sociale organisaties deel.

Het Nibud is een onafhankelijke kennis- en voorlichtingsinstituut op het gebied van huishoudfinanciën en zet zich in voor een Nederland zonder geldproblemen. Tijdens deze training werd de basis gelegd voor de ontwikkeling van de Budgetplanner. Dit praktisch lesmateriaal ondersteunt professionals die inwoners begeleiden bij financiële vraagstukken.

De ontwikkeling van de Budgetplanner sluit aan bij het Programmaplan “Werken naar Welvaart en Welzijn van Bonaire”. Vanuit dit programma zijn verschillende opgaveteams gevormd, waaronder het opgaveteam Schulden.

Dit team bestaat uit vertegenwoordigers van het Openbaar Lichaam Bonaire, de afdeling Maatschappelijk Werk Financiën van Sentro Akseso, het ministerie van Sociale Zaken en Werkgelegenheid (SZW) en de NVVK (branchevereniging voor schuldhulp en financiële hulpverlening). Binnen het opgaveteam wordt gewerkt aan de verdere ontwikkeling van het wetgevingstraject, schuldhulpverlening, preventieve ondersteuning en budgetbeheer. Daarnaast wordt ingezet op een sterke samenwerking tussen de verschillende ketenpartners.

In dat kader is recentelijk onder meer een werksessie in Nederland georganiseerd. Tijdens deze bijeenkomst maakten de partners kennis met de betrokken partners uit Europees Nederland. Ook werden mogelijkheden besproken voor samenwerking met verschillende gemeentes in Nederland zoals Tilburg, Utrecht en Amsterdam.

Het Openbaar Lichaam Bonaire blijft zich, in samenwerking met Sentro Akseso en andere partners, inzetten voor de verdere ontwikkeling van preventieve en curatieve schuldhulpverlening. Door middel van nieuwe strategieën, activiteiten en samenwerkingsverbanden wordt gewerkt aan het versterken van de financiële zelfredzaamheid en het welzijn van de inwoners van Bonaire.