Grupo di Tarea Spesial (Groep Bijzondere Opdrachten, GBO), a detené un hòmber di inisial G.A.B. di 49 aña di edat na Kaya Maria pa violashon di Lei di Opio BES.

Den oranan di mardugá di awe, djabièrnè 26 di yüni, e Grupo di Tarea Spesial (Groep Bijzondere Opdrachten, GBO), a detené un hòmber di inisial G.A.B. di 49 aña di edat na Kaya Maria pa violashon di Lei di Opio BES. Detenshon di e sospechoso ta relashoná ku e investigashon andando di kua durante entrada hudisial na un kas na Kaya Maria riba djadumingu 14 di yüni, a topa ku un kantidat di supstansia narkótiko. Despues ku a detené e sospechoso, reshèrshinan di KPCN a tene entrada hudisial na e kas na e kaya menshoná i a konfiská artíkulonan relevante pa e investigashon. Investigashon den e kaso ta kontinuá.