TEMPORADA PA TRANSPORTE ESKOLAR (SCHOOLTRANSPORT) 2026-2027
Maneho di Gobernashon, Planifikashon i Servisio Públiko
TEMPORADA PA TRANSPORTE ESKOLAR (SCHOOLTRANSPORT) 2026-2027
Publiká riba 29 Yüni 2026
Willemstad – Lokèt di Pèrmit di Ministerio di Maneho di Gobernashon, Planifikashon i Servisio Públiko konhuntamente ku Ministerio di Enseñansa, Siensa, Kultura i Deporte ta informá pueblo di Kòrsou ku e temporada pa hasi petishon pa Transporte Eskolar ta bai kuminsá
For di djárason, 1 di yüli 2026, mayornan òf tutornan por hasi petishon pa Transporte Eskolar 2026-2027 na Lokèt di Pèrmit na Saliña i tambe na Lokèt di Komunidat na Sambil. Pa hasi e petishon na Lokèt di Komunidat na Sambil, mester di traha sita riba e website: sita.gobiernu.cw.
Tambe por bishitá nos Lokèt Digital riba loketdigital.gobiernu.cw pa hasi e petishon online.
Ta importante pa yena e e-mail adrès korekto, pa asina por risibí e konfirmashon di e petishon ku E number di petishon den e-mail inbox.
Lokèt di Pèrmit ta situá na Saliña 127 Eurobuilding (Banda di Subway), orario di ofisina ta djaluna te ku djaweps 08:00 or – 15:00 or i djabièrne 08:00 or – 12:00 or.
Lokèt di Komunidat ta situá na Sablik Unit L-21 (entrada Cas Abou), orario di officina ta djaluna te ku djaweps 08:00 or – 15:00 or i djabièrne 08:00 or – 12:00 or.
639114718427035"
639114718427035"