KUERPO POLISIAL KÒRSOU 

 

KOMUNIKADO DI PRENSA

203/2026

3 yüli 2026 

Entrada hudisial ku detenshon relashoná ku kaso di tiramentu 

Kontinuando ku investigashon den un kaso di tiramentu ku herido ku a tuma lugá dia  8 di yüni 2026 na un establesimentu riba F.D. Rooseveltweg, polis a hasi un detenshon. 

Djárason 1 di yüli 2026, alrededor di 14.20’or riba F.D. Rooseveltweg, Tim di Atrako  a detené e hòmber J.C.J. di 20 aña di edat nasé na Kòrsou, relashoná ku e kaso ariba  menshoná. 

Despues a tene un entrada hudisial na su kas den área di Normandie. 

Durante di e entrada hudisial a haña i konfiská artíkulonan ku ta di importansia pa e  investigashon. 

A presentá e sospechoso dilanti di un fiskal ouksiliar ku a ordená su enkarselamentu  pendiente di mas investigashon.