Gobièrnu di Boneiru 𝐄𝐧𝐭𝐢𝐝𝐚𝐭 𝐏𝐮́𝐛𝐥𝐢𝐤𝐨 𝐁𝐨𝐧𝐞𝐢𝐫𝐮 𝐭𝐚 𝐬𝐞𝐫𝐚 𝐋𝐮𝐧𝐚 𝐝𝐢 𝐄𝐦𝐚𝐧𝐬𝐢𝐩𝐚𝐬𝐡𝐨𝐧 𝟐𝟎𝟐𝟔 𝐤𝐮 𝐞́𝐤𝐬𝐢𝐭𝐨

Na yüni 2026, Entidat Públiko Boneiru (EPB) a konkluí Luna di Emansipashon ku éksito. Durante e luna, konsientisashon, reflekshon i konekshon tabata sentral den un programa amplio na kaminda pa konmemorashon di abolishon di sklabitut 1 di yüli.

A habri e luna di emansipashon 1 di yüni ku un lansamentu ofisial ku a konsistí di vários aktividat repartí durante henter e luna. Asina a tuma lugá entre otro nochi di diálogo, aktividatnan kultural i edukativo, i tayer pa hóben i famia. Tambe a para ketu durante e vários momentunan na pasado di sklabitut i reperkushon di esei den e sosiedat aktual.

Entidat Públiko Boneiru ta ekspresá su mas sinsero gradisimentu na tur partner:

SKAL (Sekshon di Kultura, Arte i Literatura)

Mangazina di Rei

Herdenkingscomité Slavernijverleden

Ministerie van OCW

FuHiKuBo

Terramar Museum

BONAI

Archol B.V.

Universiteit Leiden en -Argeograph

GGD Bonaire / Salubridat Públiko

MHC (Mental Health Caribbean)

Stichting Wi Na Wan

Nederlandse Organisatie voor Wetenschappelijk Onderzoek

Werkgroep Luna di Emansipashon

Danki tambe na tur partisipante. Danki na boso partisipashon i enbolbimentu, e luna di emansipashon a desaroyá na un manera signifikativo i eksitoso.

Ku konklushon di Luna di Emansipashon, Entidat Públiko Boneiru ta enfatisá ku traha na emansipashon, oportunidat igual i inklushon ta un proseso kontinuo ku ta bai mas leu ku e luna akí.

Nos lema “𝐍𝐨𝐬 𝐩𝐚𝐬𝐚𝐝𝐨, 𝐧𝐨𝐬 𝐡𝐞𝐫𝐞𝐧𝐬𝐢𝐚. 𝐍𝐨𝐬 𝐟𝐮𝐭𝐮𝐫𝐨, 𝐧𝐨𝐬 𝐨𝐛𝐫𝐚.” ta suprayá e konekshon akí entre pasado, herensia i futuro, i e responsabilidat kompartí pa sigui traha na esei.