KIKO TA PASANDO

E uniko kaminda ku bo ta haña tur informashon kompletamente gratis. Klik anto lesa. Manda tur loke bo ke pa wordu publika i invitashon pa kubri rueda di prensa na e Email: kikotapasando@outlook.com

GOBIERNU

Prome edicion di conmemoracion di abolicion di sclavitud na San Nicolas

Prome edicion di conmemoracion di abolicion di sclavitud na San Nicolas

ORANJESTAD – Den un ambiente carga cu respet, reflexion y celebracion cultural, Plataforma Nacional Herencia di Sclavitud Aruba (PENHSA) hunto cu Stichting Rancho, We Culture y Comite Conmemoracion Pasado di Sclavitud a conmemora Dia Nacional di Emancipacion.

E fecha historico riba 1 di juli, declara oficialmente como dia nacional door di gobierno, a reuni nos comunidad pa honra nos antepasadonan y reflexiona riba e historia di sclavitud y e balor di libertad.

Prome Minister Mike Eman tabata presente durante e actividad, cu a cuminsa cu un marcha conmemorativo den e cayanan di Village y a culmina na Carnival Village. Hunto cu miembro di comunidad y diferente organisacion, el a participa den e acto unda a rindi homenahe na e hendenan cu a sufri durante e periodo di sclavitud. Despues di e marcha, e celebracion principal a continua na Carnival Village cu un programa cultural varia. E publico a disfruta di varios presentacion di baile, poesia, grupo di tambu, musica, tambe tabatin diferente stand cu cuminda local y hasta algun plato inspira den tradicion Africano.

E conmemoracion di e aña aki a pone enfasis riba recorda e pasado, honra nos antepasadonan y fortalece conocemento di un parti importante di historia di Aruba, promoviendo respet, igualdad y conscenshi historico den nos comunidad.

 

639114718427035"
639114718427035"