Prome Minister mr. Mike Eman a participa diaranson anochi den e Opening Night di End-of-Year Exhibition 2026 di Design Academy Aruba

Prome Minister mr. Mike Eman a participa diaranson anochi den e Opening Night di End-of-Year Exhibition 2026 di Design Academy Aruba, caminda mas cu 100 estudiante a presenta e diferente obra y proyectonan creativo cu nan a desaroya durante e ultimo aña escolar. E exhibicion, ta na Museo Arqueologico Nacional, a reuni studiante, mayor, docente, famia y invitado pa celebra creatividad, innovacion y artesania local.

E exhibicion a inclui trabounan di estudiante di MBO Art & Design, e grupo di ceramica Clay Roots Future Makers, participantenan di Scol Dun’un Man y estudiante cu a participa den diferente curso y workshop organisa pa Design Academy Aruba.