Joram Parabirsing nombrá komo Inspektor General interino di Salubridat

Publiká 6 di yüli 2026

Willemstad – Resientemente Inspektor General di Salubridat, Dr. Sirvin Keli, a baha ku penshun. Entrante 3 di yüli 2026, Konseho di Minister riba proposishon di Minister Boekhoudt di Salubridat, Medio Ambiente i Naturalesa (GMN) a nombra sr. JoramParabirsing komo Inspektor–General interino pa Salubridat.

Sr. Parabirsing ta un botikario di profeshon i durante e último sinku (5) aña tabata traha komo Inspektor di Remedi den e Inspekshon di Salubridat na Kòrsou. Ku e eksperensia i konosementu ku é a akumulá den e Inspekshon pa Salubridat, lo e supervisá e inspektornanku ta laborá den e departamento di inspekshon di salubridat, te ku ora gobièrnu nombra un Inspektor–General nobo. Den e temporada ku ta bini, lo pone hopi atenshon riba fortifikashon di e departamento di inspekshon, entre otro dor di rekruta mas inspektor pa e diferente unidatnan den e departamento di Inspekshon.

Awe Minister Boekhoudt a entrega sr. Parabirsing e dekreto nashonal di su nombramentu ofisialmente i a deseá e Inspektor–General interino nobo tur klase di éksito den e funshon. Na e okashon aki, Minister Boekhoudt a indiká ku e ta sumamente kontentu ku e nombramentu di sr. Parabirsing komo Inspektor General interino, pa di tal manera mantené kontinuidat den e organisashon i trabounan di inspekshon.