KUERPO POLISIAL KÒRSOU 

KOMUNIKADO DI PRENSA

215/2026

11 yüli 2026 

Detenshon pa poseshon ilegal di arma di kandela i droga 

Den kuadro di e proyekto pa sigui hasi nos isla liber di poseshon di arma di  kandela ilegal, djabièrnè 10 di yüli 2026 alrededor di 21.10’or, Tim di Atrako  huntu ku Tim di Aresto a realisá dos detenshon na un adrès den Kaya Malwa. Ta trata di e hòmbernan sospechoso C.J.M.J. di 30 aña di edat i J.J.J.D. di 29  aña di edat, ámbos nasé na Kòrsou. 

E detenshonnan aki tabata den kuadro di violashon di e lei di arma di kandela i  e lei di opio. 

Durante di entrada hudisial na e adrès den Kaya Malwa, polis a konfiská un  arma di kandela i un kantidat di droga. 

A presentá e sospechosonan dilanti di un fiskal ouksiliar, ku a ordená nan enkarselamentu pendiente di mas investigashon.