Amstel “Rèi e Prèis” ta sera ku entrega di e gran premio na Xemio Jacobs.

Amstel “Rèi e Prèis” ta sera ku entrega di e gran premio na Xemio Jacobs.

Willemstad, Kòrsou – Yüli 2026 – Distribier N.V., den kolaborashon ku Select Automotive, a sera ku hopi orguyo e kampaña di konsumidó di Amstel “Rèi e Prèis” ku e entrega ofisial di e gran premio: un Volkswagen Tera 2026 na e afortunado ganador Xemio Jacobs.

Durante e ultimo lunanan, miles di konsumidónan na Kòrsou i Bonèiru a partisipá den e kampaña, kolektando tapa di bòter di Amstel pa tin oportunidat di gana hopi premio atraktivo. E entusiasmo i apoyo ku e kampaña a superá tur ekspektativa.

Durante e seremonia di entrega na Select Automotive, Xemio Jacobs a risibí e yabi di su Volkswagen Tera 2026 den presensia di representante di Distribier N.V. i Select Automotive. E momento aki a marka e final di un kampaña ku a trese hopi emoshon i alegria na konsumidónan di Amstel.

“Nos ta hopi orguyoso di e gran éxito di e kampaña ‘Rèi e Prèis’. Nos ta gradisí tur konsumidó ku a partisipá i nos ta felisitá Xemio Jacobs ku su gran premio. Kampañanan manera esaki ta mustra nos apresiashon pa e lealtat di nos konsumidónan i ta fortalesé e relashon ku nan,” a bisa Sigurd de Wind, Commercial Manager di Distribier N.V.

Select Automotive su Sales Manager, Aldrien Albers a hasi entrega di e yabinan i a felisitá e ganador i a dese’é hopi kilometernan di felisidat i maneho sigur ku su Volkswagen Tera 2026.

Ku e kampaña Amstel “Rei e Prèis”, Amstel a demostrá un biaha mas su kompromiso pa premia su konsumidónan fiel i sigui krea eksperensianan uniko pa henter Kòrsou i Bonèiru.

Distribier N.V. kier duna un palabra di gradisimentu na tur konsumidó, klientenan, Select Automotive, partnernan komersial i tur persona ku a kontribuí pa hasi e kampaña aki un gran eksito.

Pabien Xemio Jacobs! Disfrutá hopi di bo Volkswagen Tera 2026.