Baden Powell Toastmasters Club 

Krea posibilidatnan den balansa

 

WILLEMSTAD – Djasabra último den un esfera ameno, Baden Powell Toastmasters Club a instalá su direktiva nobo pa aña 2026-2027, instalá miembro nobo i tambe rekonosé miembronan ku a destaká den aña 2025-2026. 

E direktiva di Baden Powell Toastmasters Club di aña 2026 – 2027 ta konsistí di:

• Presidente – Laurella Martis DTM
• Vise Presidente Edukashon – Lorna Fraai-Browne
• Vise Presidente Miembresia – Francis Angelica DTM
• Vice Presidente Relashonista Públiko – Regis Loo
• Sekretaria – Tamari Brunken
• Tesorero – Zoraida Pisas-Adelaida
• Sargento di Evento – Junilda Manuela-Cicilia
• Presidente saliente – Lorna Fraai-Browne

 

Pa presidente entrante Sra. Laurella Martis su enfoké ta pa miembronan i prospekto miembronan alinea nan nesesidat ku e posibilidatnan ku Toastmasters ta ofresé. Sra Martis ke enfoká riba e motibu ku kada persona ta drenta Toastmasters kuné, usando esaki komo un medio pa desaroyá abilidatnan ku tiki biaha bo ta traha riba dje. Esaki den balansá ku tur otro metanan ku un persona por tin.   

E oradó di òrden pa e anochi aki tabata Sra. Luz-Celeste Johannes ku a papia riba e tema di “e balanan ku ta tene nos den balansa” kaminda el a elaborá riba kon tene bo mes den balansa apesar ku e kosnan por mustra ku nan ta for dje balansa. Despues di nos orado di orden nos por a instalá nos miembro nobo kual ta Mitchel Curiel. Mitchel a djòin klup p’asina traha riba su abilidatnan di presentá den públiko. 

 

E día aki Baden Powell Toastmasters Club a selebrá diferente logro di su miembro ku a resaltá den 2025-2026 manera, e mihó “timer” Miloushka Rosario DTM, e mihó “grammarian” Lorna Fraai-Browne, e mihó “ah counter” Mitchel Curiel, e mihó “Table Topics Master” Francis Angelica DTM, e mihó “table topics speaker” Regis Mercera DTM, e mihó “evaluator” Miloushka Rosario DTM, e mihó “Toastmaster of the meeting” Francis Angelica DTM, e mihó “invocator” Zoraida Pisas-Adelaida i e mihó “Speaker” Junilda Manuela-Cicilia. Na final a rekonosé e persona ku a bira “Toastmaster of the Year” kual a resultá di ta Junilda Manuela-Cicilia. Baden Powell Toastmasters Club ta mira bèk riba un aña 2025-2026 èkstraordinario komo un “President Distinguished Club”, ku ta un distinshon ku e klup a sòru di mantene pa di 7 aña konsekutivo.

 

Bo ta imahinabo un futuro kaminda bo por introdusi bo mes ku Konfiansa òf kaminda bo por papia i di berdat hende ta skucha bo? E transformashon aki ta kuminsá na djòin Baden Powell Toastmasters Club. 

Baden Powell Toastmasters Club ta kla i hopi entusiasmá pa kuminsá ku su reunionnan edukashonal dia 4 di ougùstùs 2026 na JCC Kwartier di 7pm pa 9pm. Pa mas informashon tuma kontakto ku Sra. Laurella Martis na telefòn òf whatsapp +5999 513 7250.