Korps Politie Curaçao: Resientemente a tuma lugá un seshon di sera konosí i profundisashon entre diferente unidat den kuadro di e plataforma ‘Veilige scholen’.

Tabatin representashon di Kuerpo Polisial ku partisipashon di “Buurtregisseurs” i “Jeugdagenten”.

Tambe tabatei presente direktivanan di skol, nan respektivo trahadónan sosial i representantenan di OWCS.

Ku e seshon aki a sigui avansá den e protokòl di koperashon entre e partnernan pa yega na ambiente i áreanan den i rondó di skolnan ku ta mas sigur. A toka tambe e tema i aspektonan hurídiko di ‘Leerplicht’.

E seshon a guia na trese klaridat riba ròl, responsabilidat i tarea di kada partner den e kadena.

E enkuentronan aki lo kontinuá.