𝐏𝐫𝐨𝐦é 𝐌𝐢𝐧𝐢𝐬𝐭𝐞𝐫 𝐏𝐢𝐬𝐚𝐬 𝐡𝐮𝐧𝐭𝐮 𝐤𝐮 𝐌𝐢𝐧𝐢𝐬𝐭𝐞𝐫 𝐁𝐨𝐞𝐤𝐡𝐨𝐮𝐝𝐭 𝐚 𝐫𝐢𝐬𝐢𝐛í 𝐛𝐢𝐬𝐡𝐢𝐭𝐚 𝐝𝐢 𝐤𝐨𝐫𝐭𝐞𝐬𝐢𝐚 𝐭𝐨𝐤𝐚𝐧𝐭𝐞 𝟐𝟓 𝐚𝐧̃𝐚 𝐝𝐢 𝐎𝐫𝐚𝐧𝐣𝐞 𝐅𝐨𝐧𝐝𝐬

Djarason 15 di yüli 2026, Promé Minister Gilmar Pisas a risibí un bishita di kortesia di sr. Etienne Ys, miembro di e ‘Comité van Aanbeveling’ di e 25 aña aniversario di Oranje Fonds, huntu ku sra. Ruthlyn Matthew, tesorero di Fundashon Kurason pa Kòrsou.

E enkuentro tabata un oportunidat pa informá Gobièrnu tokante e selebrashon speshal ku lo tuma lugá komienso di 2027. E aña ei, Oranje Fonds lo selebrá su 25 aña di eksistensia i na mesun momentu Su Majestat Rei Willem-Alexander i Su Majestat Reina Máxima ta konmemorá nan 25 aña di matrimonio.

Durante e reunion a papia tambe tokante e plannan pa duna e aniversario un karakter festivo, na tur e islanan den Reino. Na Kòrsou, Fundashon Kurason pa Kòrsou lo koordiná e selebrashon.