GILBERT MARTINA TA BAHA KOMO PRESIDENTE DI FEDERASHON DI FUTBÒL KÒRSOU!
GILBERT MARTINA TA BAHA KOMO PRESIDENTE DI FEDERASHON DI FUTBÒL KÒRSOU!
Sr. Gilbert Martina ta partisipá ku, entrante 21 di yüli 2026, e ta tuma e desishon di baha komo presidente di Federashon di Futbòl Kòrsou pa motibu di salú.
Durante un kontrol médiko rutinario ku a ela hasi poko tempu pasá, a konstatá ku Sr. Martina tin kanser di prostat. Esaki ta den un fase tempran. Siguiendo e konseho di su tim médiko, lo e someté su mes na un operashon. Pa e rason aki el a disidí di baha for si su funshon pa por dediká su atenshon kompletu na su salú i proseso di rekuperashon.
Mirando e magnitut di e responsabilidatnan ku tabata bin huntu ku e preparashon pa i durante di partisipashon di Kòrsou na FIFA World Cup 2026, Sr. Martina a skohe pa no hasi su diagnóstiko públiko promé. E desishon aki a keda tuma den interes di federashon, nos selekshon nashonal i di Kòrsou. Di e forma aki tur atenshon por a keda dirigí riba Kòrsou su partisipashon históriko, pa promé biaha, na un FIFA World Cup.
Mirando bèk riba su periodo komo presidente, Sr. Martina a ekspresá su gradisimentu sinsero na miembronan di FFK pa e konfiansa ku nan a dun’é na ora nan a eligi’é komo presidente aprel 2025.
“Tabata un gran honor pa mi por a kontribuí na un trayekto ku finalmente a hiba nos pais na un lugá kaminda nos no tabata nunka promé: Mundial di FIFA. E logro históriko aki ta resultado di un vishon di largu plaso i di esfuersonan konhunto di hopi hende dediká ku a traha na e meta aki for di aña 2002. E klasifikashon pa FIFA World Cup a pone Kòrsou, un pais chikí na tamaño, pero ku un kurason grandi i un pashon inmenso, riba mapa mundial di futbòl. Ta un prestashon di kua nos komunidat kompletu, ku tur nos derecho, por sinti nos orguyoso.”
“Mi ta hopi gradisí na tur e miembronan di FFK pa e konfiansa ku nan a duna mi komo presidente. Tabata un privilegio pa mi por a ehersé e funshon aki ku dedikashon i kompromiso. Awor, sin embargo, mi salú mester tuma promé lugá i lo mi dediká mi mes kompletamente na mi rekuperashon.
Direktiva di FFK ta ekspresá su apresio sinsero na Sr. Martina pa su liderazgo dediká, su kompromiso i su kontribushon balioso na e desaroyo kontinuo di futbòl na Kòrsou. Durante su presidensia, el a guiá e federashon den un di e períodonan mas signifikativo den su historia, ku komo punto kulminante e klasifikashon históriko pa i partisipashon di Kòrsou na FIFA World Cup 2026.
“Na nòmber di henter famia di futbòl di Kòrsou, nos ta gradisí Gilbert pa tur su esfuerso i nos ta dese’é un pronto rekuperashon, kompletu i próspero,” asina visepresidente Fabi Constansia a bisa.
Direktiva di FFK lo determiná, den konsulta ku e miembronan di e federashon, e prosedura pa nombramentu di un presidente nobo, pa garantisá kontinuidat di e organisashon. Te ku e siguiente Reunion General di Miembronan, e visepresidente lo aktua komo presidente interino. E trabounan di e Federashon, inkluí e kompetensnianan nashonal, e aktividatnan di e selekshonnan nashonal i e obligashonnan internashonal di FFK, lo kontinuá durante e periodo aki sin interupshon.
21 di yüli 2026
GILBERT MARTINA TREEDT TERUG ALS VOORZITTER VAN DE FEDERASHON DI FUTBOL KÒRSOU!
De heer Gilbert Martina heeft bekendgemaakt dat hij, met ingang van 21 juli 2026, om gezondheidsredenen terugtreedt als voorzitter van de Curaçaose Voetbalbond.
Bij de heer Martina werd onlangs, na een medische routine controle, prostaatkanker in een vroeg stadium vastgesteld. Op advies van zijn medisch team zal hij geopereerd worden en heeft hij besloten zijn functie neer te leggen om zich volledig te kunnen richten op zijn gezondheid en herstel.
Gezien de grote verantwoordelijkheden die gepaard gingen met de voorbereiding op en deelname van Curaçao aan het FIFA Wereldkampioenschap 2026, heeft voorzitter Martina ervoor gekozen zijn diagnose niet eerder openbaar te maken. Dit besluit werd genomen in het belang van de bond, het nationale elftal en het Curaçaose voetbal, zodat de volledige aandacht kon uitgaan naar de historische, allereerste deelname van Curaçao aan een FIFA Wereldkampioenschap.
Terugblikkend op zijn periode als voorzitter sprak de heer Martina zijn oprechte dank uit aan de leden van de FFK voor het vertrouwen dat zij in hem stelden door hem in april 2025 tot voorzitter te kiezen.
“Het was een enorme eer om een bijdrage te mogen leveren aan een traject dat ons land uiteindelijk heeft gebracht waar het nog nooit eerder was: het FIFA Wereldkampioenschap. Deze historische prestatie is het resultaat van een langetermijnvisie en de gezamenlijke inspanningen van vele toegewijde mensen die al sinds 2002 aan dit doel hebben gewerkt.
De kwalificatie voor het Wereldkampioenschap heeft Curaçao, een klein land qua oppervlakte, maar met een buitengewoon groot hart en een enorme passie op de wereldkaart van het voetbal gezet. Het is een prestatie waarop onze hele gemeenschap met recht trots mag zijn,” aldus Martina.
“Ik ben de leden van de FFK oprecht dankbaar voor het vertrouwen dat zij in mij hebben gesteld als voorzitter. Het was een voorrecht om deze functie met toewijding en inzet te mogen vervullen. Mijn gezondheid moet nu echter voorrang krijgen en ik zal mij volledig moeten richten op mijn herstel,” besloot Martina.
Het FFK-bestuur spreekt haar oprechte waardering uit aan de heer Martina voor zijn toegewijde leiderschap, zijn inzet en zijn waardevolle bijdrage aan de voortdurende groei en ontwikkeling van het voetbal op Curaçao. Tijdens zijn voorzitterschap heeft hij de bond mede door een van de meest betekenisvolle periodes in haar geschiedenis geleid, met als hoogtepunt de historische kwalificatie voor en deelname van Curaçao aan het FIFA Wereldkampioenschap 2026.
“Namens de gehele Curaçaose voetbalfamilie danken wij Gilbert voor zijn inzet en wensen wij hem een volledig, voorspoedig en spoedig herstel toe,” aldus vicevoorzitter Fabi Constansia.
Het bestuur van de FFK zal, in overleg met de leden van de bond, de procedure vaststellen voor de benoeming van een nieuwe voorzitter, zodat de continuïteit van de organisatie gewaarborgd blijft. Tot aan de eerstvolgende Algemene Vergadering zal de vicevoorzitter voor de komende periode optreden als waarnemend voorzitter. De werkzaamheden van de bond, waaronder de nationale competities, de activiteiten van de nationale selecties en de internationale verplichtingen van de FFK, worden gedurende deze periode onverminderd voortgezet.
21 juli 2026
