Premisia di Korona pa Miss Kòrsou 2026 

Miss Universe Curaçao ta revelá “ASTRA”: 

E Korona ku ta simbolisá un era nobo di Kristalisando Soñonan

Willemstad, Korsou– Curaçao International Crowned Queens, e organisashon responsabel pa Miss  Universe Curaçao 2026, ku sumo plaser a invitá miembronan di prensa, partnernan, sponsor i  invitadonan speshal pa un anochi eksklusivo di revelashon di e korona nobo di Miss Universe  Curaçao. 

E evento a tuma lugá Djabièrnè, 24 di yüli, for di 8:00 p.m. te 10:00 p.m., na Papagayo Curaçao, den  un anochi di gala. 

E korona nobo, yamá ASTRA, ta representá e prinsipio di un era nobo pa Miss Universe Curaçao.  Inspirá pa e nifikashon di su nomber, “strea”, ASTRA ta simbolisá speransa, ambishon, liderasgo i e  brio ku ta nase ora soñonan bira realidat, aunke e kaminda por ta turbulento. Poniendo enfoke ku ta  hustamente den skuridat ku strea nan ta bria, no solamente pa nan mes, pero tambe pa yuda otro  enkontrá nan propio brio. 

Ku un diseño uniko di Alejandro Arraiz ku ta reflehá “soñonan kristalisá”, e korona ta un homenahe  na tur hende ku ta tribi di soña grandi, ku persistensia i determinashon. ASTRA no ta solamente un  simbolo di beyesa, sino tambe di forsa, karakter i e potensial ilimitá ku ta biba den kada muhé, ku un  rekordatorio firme ku ningun soño ta muchu grandi. 

E revelashon di ASTRA lo marka un momento importante den e evolushon di Miss Universe  Curaçao i lo duna un promé bista eksklusivo di e simbolo ku lo kompaña e reina nobo den su biahe  rumbo na Miss Universe. 

Curaçao International Crowned Queens ta spera ku e anochi aki lo reuní miembronan di e  komunidat, media, sponsornan i amantenan di mundu di beyesa pa selebrá un momento ku lo keda  grabá den historia di e organisashon. 

Pa mas informashon tokante Miss Universe Curaçao 2026, sigui e plataformanan oficial di Curaçao  International Crowned Queens.