KUERPO POLISIAL KÒRSOU 

KOMUNIKADO DI PRENSA

233/2026

26 yüli 2026 

Intento di asesinato 

Djadumingu 26 di yüli 2026 alrededor di 04.16’or, Sentral di Polis a dirigí un  unidat di warda di polis di Rio Canario pa F.D. Rooseveltweg pa un aksidente di  tráfiko. 

Na yegada di e unidat, el a topa un situashon konfuso kaminda un hòmber  tabata drumí abou ku un herida na altura di su wowo i pia frakturá. 

For di investigashon ku polis a hasi na e sitio, el a komprondé for di  personanan den besindario ku e vehíkulo enbolbí den e aksidente ya a move  for di e sitio.  

Alabes nan a indiká ku tabatin un diskushon un ratu promé entre algun  persona i ku e personanan aki a subi kaya. Djis un ratu despues esnan presente  a tende un zonido manera algu a dal den winshil di un outo pa despues un  vehíkulo ranka bai for di e sitio. 

Na momentu ku nan a bai averiguá, nan a mira e hòmber abou na suela. Polis a konstatá na e sitio, un bùs, di kua su winshil tabata kibrá, pero no a  topa ku e shofùr. E bus a keda konfiská. 

A pidi presensia di ambulans, pa por a transportá e víktima pa C.M.C. Investigashon den e posibel kaso di intento di asesinato aki ta kontinuá.