Súper Can Bachatero  na Radio Vishon 106.3 FM

Willemstad, amante di bachata tin motibu pa selebrá. For di djaluna 3 di ougùstùs, e komunikadó i presentadó Angel Mercalina ta bolbe na radio ku su programa “Súper Can Bachatero”, un espasio dediká kompletamente na e ritmo di bachata e muzik ku a gana e kurason di hopi hende.

E programa ta wòrdu transmití pa medio di Radio Vishon 106.3 FM, djaluna pa djabièrnè di 2:00 te 4:00 di atardi, ofresiendo dos ora yen di bon músika, e mihó bachatanan, informashon, komentario, invitadonan spesial i interakshon ku e oyentenan.

Ku un trayekto largu den radio, Angel Mercalina ta regresá ku e mesun pashon, energia i kompromiso ku a karakterisá su trabou den medio radial, tresiendo un programa dinámiko pa tur amante di bachata na Kòrsou i mas ayá.

“Súper Can Bachatero” ta representá e amor pa un género ku a krusa frontera i ku ta sigui konektá diferente generashon pa medio di su letra, ritmo i sintimentu.

Tur e oyentenan ta invitá pa sintonisá Radio Vishon 106.3 FM, a for di djaluna 3 di ougùstùs,j di 2:00 te 4:00 di atardi, i forma parti di e regreso di un programa ku ta bini ku hopi entusiasmo i dedikashon.

Súper Can Bachatero… e pashon pa bachata ta biba  na Radio Vishon 106.3 FM.