MISS UNIVERSE CURAÇAO A KORONÁ BIANTY ROJER GOMPERTS KOMO SU REINA NOBO DEN UN ANOCHI ESPEKTAKULAR

MISS UNIVERSE CURAÇAO A KORONÁ BIANTY ROJER GOMPERTS KOMO SU REINA NOBO DEN UN ANOCHI ESPEKTAKULAR

Willemstad, Curaçao – Curaçao International Crowned Queens, organisashon responsabel pa  Miss Universe Curaçao 2026, a sera un temporada inolvidabel ku un final espektakular ku a tuma  lugá riba 26 di Yüli 2026 na World Trade Center Curaçao. 

Den un anochi yen di elegansia, talento, inspirashon i emoshon, seis kandidatanan eksepshonal a  subi riba escenario pa demonstra nan preparashon, dedikashon, i kompromiso den nan lucha pa e  titulo mas maksimo di beyesa na nos isla. 

Despues di diferente segmento den e anochi magiko aki i evaluashon di un kuerpo di hurado  distingí, Bianty Rojer Gomperts a ser koroná komo Miss Universe Curaçao 2026. Ku e victoria aki,  Bianty lo representá Curaçao riba e esenario internashonal di Miss Universe, Novèmber proksimo  aya na Puerto Rico. 

E organisashon tambe kier felisitá e otro finalistanan pa nan dedikashon i sobresaliente  prestashon: 

• Promé Finalista: Tyiandra Brunken 
• Segundo Finalista: Sharepha Pauletta 

Algun dia pasa tabatin introdukshon di ASTRA, e korona nobo di Miss Universe Curaçao. Inspirá pa  e strea nan ku ta bria den skuridat, ASTRA ta simbolisá speransa, ambishon, liderasgo i e kapasidat  di kristalisá soñonan. Durante e Gran Final, ASTRA a ser imponé pa promé biaha riba e reina nobo,  representando e komienso di un era nobo pa Miss Universe Curaçao. 

Curaçao International Crowned Queens ta gradisí tur sponsor, partnernan, voluntarionan, media,  i tur esnan ku a kontribuí na hasi e temporada 2026 un gran éksito. Un gradisimentu speshal ta bai  na e fanátikonan ku a sigui i sostené kada kandidata durante tur e proseso. 

Pa mas informashon tokante Miss Universe Curaçao i e proyektonan benidero, sigui e  plataformanan oficial di Curaçao International Crowned Queens.