𝑪𝒖𝒓𝒂𝒄̧𝒂𝒐 𝑪𝒍𝒆𝒂𝒏 𝑼𝒑 𝒕𝒂 𝒍𝒂𝒏𝒔𝒂 𝒆 𝒎𝒐𝒗𝒆𝒎𝒆𝒏𝒕𝒖 𝒅𝒊 ‘𝑮𝒓𝒆𝒆𝒏 𝑾𝒂𝒗𝒆’

August 3, 2026 REDAKSHON

𝑪𝒖𝒓𝒂𝒄̧𝒂𝒐 𝑪𝒍𝒆𝒂𝒏 𝑼𝒑 𝒕𝒂 𝒍𝒂𝒏𝒔𝒂 𝒆 𝒎𝒐𝒗𝒆𝒎𝒆𝒏𝒕𝒖 𝒅𝒊 ‘𝑮𝒓𝒆𝒆𝒏 𝑾𝒂𝒗𝒆’

Djaweps nochi, Fundashon Curaçao Clean Up a lansa su Kampaña nobo 𝑮𝒓𝒆𝒆𝒏 𝑾𝒂𝒗𝒆 riba e pantaya grandi den Punda, ku e meta pa stimulá kambio di komportashon duradero bou di komunidat, pa loke ta trata kon nos ta atendé ku shushi.

Inspirá pa e orguyo i solidaridat nunka bisto ku a uni Kòrsou durante su partisipashon históriko na Kopa Mundial di FIFA 2026, Curaçao Clean Up ta lansa un movementu nobo pa henter e isla yamá: ‘𝑮𝒓𝒆𝒆𝒏 𝑾𝒂𝒗𝒆’. E ta un movementu ku ta transformá orguyo nashonal den responsabilidat nashonal.

Durante e lansamentu, ku tabata bon atendé pa prensa, invitado I algun stakeholder ku ya a djòin promé ku e lansamentu a tuma lugá, e presidente di Curaçao Clean up sra. Myrthe George splika mas aleu kontenido dje kampaña, siguí pa e lansamentu di e pelíkula ofisial di ‘𝑮𝒓𝒆𝒆𝒏 𝑾𝒂𝒗𝒆’, kulminando den e símbolo di e Blue Wave Captain Blue Face, kende pa e okashon aki a pinta su kara bèrdè pa sostené e kampaña I pa enfatisá su importansia.

Durante e 13 edishonnan anterior, Curaçao Clean Up a krese for di un kampaña di limpiesa pa un movementu ku ta fomentá konsientisashon, responsabilidat, i orguyo di nos isla. Huntu ku nos partner-, boluntario-, skolnan-, negoshi-, i organisashonnan di sosiedat sivil, nos a proba ku kambio positivo ta posibel ora hende ta uni tras di un meta komun.

Ounke tabatin progreso, nos trabou ta leu for di kla. Sushedat i dùmpmentu ilegal ta sigui asotá nos bario, playa i reservanan natural, i konsekuentemente nos kalidat di bida.

Pa krea un Kòrsou mas limpi ta rekerí mas ku solamente akshonnan di limpiesa: e ta rekerí konsientisashon, edukashon i kambio di komportashon. Un Kòrsou limpi i salú ta algu ku nos tur huntu ta karga responsabilidat p’é. Huntu, nos por hasi un diferensia duradero.

𝗞𝗮𝗺𝗽𝗮𝗻̃𝗮 𝗱𝗶 𝗞𝗼𝗻𝘀𝗶𝗲𝗻𝘁𝗶𝘀𝗮𝘀𝗵𝗼𝗻

Pa e motibu aki Curaçao Clean Up ta lansa un inisiativa nobo inspirativo e aña aki ku ta: e ‘𝑮𝒓𝒆𝒆𝒏 𝑾𝒂𝒗𝒆’. Inspirá pa e energia i orguyo generá pa e Blue Wave, e ‘𝑮𝒓𝒆𝒆𝒏 𝑾𝒂𝒗𝒆’ ta un kampaña di konsientisashon diseñá pa enkurashá komportashon responsabel i konsientisashon pa un medio ambiente sano riba henter nos isla.

Pa un temporada, nos tur a kompartí e mesun emoshon. Nos a selebrá nos bandera, nos pueblo i nos identidat. Nos tabata orguyoso. E orguyo ei no mester disparsé ku e fluit final na mundial.

E kampaña aki ta pa nos sigi i engrandesé e mesun orguyo di patriotismo ei pa algu ku nos tur ta komparti tur dia: nos isla. Pasobra protehá Kòrsou mester sinti mesun kos ku selebrá Kòrsou. E Kòrsou ku nos tabata selebrá, ta e mesun Kòrsou ku nos ta lanta kuné tur mainta. 𝗗𝘂𝘀𝗵𝗶 𝗽𝗲𝗿𝗼 𝗹𝗮𝗺𝗲𝗻𝘁𝗮𝗯𝗹𝗲𝗺𝗲𝗻𝘁𝗲 𝘀𝗵𝘂𝘀𝗵𝗶.

E kampaña ta enfoká riba kuater tema klave ku tin un impakto signifikante riba limpiesa di nos isla: 𝗣𝗿𝗲𝘃𝗲𝗻𝗶́ 𝘀𝗵𝘂𝘀𝗵𝗶 – Warda un saku chikitu den bo outo pa hinka bo shushi aden – Tapa bo trùk òf trailer ora di transportá shushi lòs

𝗔𝗸𝘀𝗵𝗼𝗻𝗻𝗮𝗻 𝗰𝗵𝗶𝗸𝗶́ – 𝗜𝗺𝗽𝗮𝗸𝘁𝗼 𝗴𝗿𝗮𝗻𝗱𝗶 – Mantené e área dilanti di bo kas, negoshi, skol i organisashon limpi.

– Piki shushi den nos kayanan, na nos playanan i den naturalesa.

E ‘𝑮𝒓𝒆𝒆𝒏 𝑾𝒂𝒗𝒆’ ta kulminá den e di 14 edishon di Dia Mundial di Limpiesa Kòrsou riba djasabra, 19 di sèptèmber 2026. Meskos ku añanan anterior, aktividatnan di limpiesa lo tuma lugá, tambe riba djabièrnè 18 di sèptèmber, ku enfoke spesial riba partisipashon di skol- i empresanan.

Curaçao Clean Up ta invitá pueblo di Kòrsou i spesialmente empresanan pa djòin e movementu di ‘‘𝑮𝒓𝒆𝒆𝒏 𝑾𝒂𝒗𝒆’ aki . Bo mes tambe por hasi hopi pa tene Kòrsou limpi. Ku sosten di hinter pueblo, no solamente ta yuda fortalesé nos mishon pero tambe ta kontribuí na e éksito di e kampaña.

Djòin nos, mustra bo sentido di patriotismo i yuda protehá nos medioambiente i demostrá e kompromiso ku bo tin ku bo isla ku nos tur ta stima i kompartí. Huntu, nos por sigui konstrui un Kòrsou mas limpi, salú i bunita.

𝗪𝗲̀𝗽𝘀𝗮𝗶𝘁 Spesífikamente pa e kampaña aki, Curaçao Clean Up a lansa un wèpsait, esta