Hòmber ta fayesé na Fuikbaai – Man overlijdt na bootongeval bij Fuikbaai
Hòmber ta fayesé na Fuikbaai
Ayera tardi Wardakosta a risibí un notifikashon di un persona riba un boto na altura di Fuikbaai. E persona ku a yama a indiká ku un boto a bai pega riba tera na e entrada di Fuikbaai. E doño di e boto, un hòmber, a sali for di su boto pa pusha su boto bèk den awa. Na momento ku el a bai hasi esaki, e la ser alkansá pa e chapaleta di e boto. E víktima a fayesé na e sitio pa motibu di su leshonnan.
Mesora Wardakosta a alertá CITRO, e organisashon di boluntario ku ta traha konhuntamente ku Wardakosta, ku a sali bai mesora na e lokalidat na Fuikbaai. Na yegada e kurpa sin bida di e hòmber a ser tresé abordo di e boto di CITRO. E kurpa sin bida di e hòmber a ser hibá na haf di piskadó na bahia di Caracasbaai kaminda Kuerpo Polisial di Kòrsou a tuma e kaso over.
E boto di e hòmber a sink kompletamente na altura di e entrada di Fuikbaai i no ta forma ningun peliger pa e tráfiko marítimo.
Wardakosta ta deseá famia i amigunan di e víktima hopi forsa durante e momentu difísil aki.
Man overlijdt na bootongeval bij Fuikbaai
Gistermiddag kreeg de Kustwacht een melding van een opvarende van een vaartuig dat zich bij Fuikbaai bevond. De melder gaf aan dat een boot ter hoogte van de ingang van Fuikbaai aan de grond was gelopen. De eigenaar van het vaartuig, een man, stapte uit zijn boot om deze terug het water in te duwen. Daarbij werd hij door de propeller van de boot geraakt. Het slachtoffer overleed ter plaatse aan zijn verwondingen.
Na de melding alarmeerde de Kustwacht de CITRO, de vrijwilligersorganisatie die nauw met de Kustwacht samenwerkt, die direct uitrukte. Bij aankomst werd het levenloze lichaam van de man aan boord van het CITRO vaartuig gebracht. Het levenloze lichaam van de man is naar de vissershaven bij Caracasbaai gebracht, waar het Korps Politie Curaçao de verdere afhandeling heeft overgenomen.
De boot van de man is ter hoogte van de ingang van Fuikbaai gezonken en vormt geen gevaar voor het scheepvaartverkeer.
De Kustwacht wenst familie en vrienden van het slachtoffer veel sterkte toe in deze moeilijke tijd.
