KÒRSOU SU HÓBENNAN DI U-14 TA KLA PA PARTISIPÁ NA CFU UNDER 14 CHALLENGE SERIES 2026, ESAKI LO TUMA LUGÁ DI 16 PA 23 DI OUGÙSTÙS 2026 NA REPÚBLIKA DOMINIKANA, PUNTA CANA!
KÒRSOU SU HÓBENNAN DI U-14 TA KLA PA PARTISIPÁ NA CFU UNDER 14 CHALLENGE SERIES 2026, ESAKI LO TUMA LUGÁ DI 16 PA 23 DI OUGÙSTÙS 2026 NA REPÚBLIKA DOMINIKANA, PUNTA CANA!
Tur aña Caribbean Football Union (CFU) ta manda invitashon pa tur su miembronan pa partisipá na e CFU Challlenge Series. E aña aki a toka turno pa nos talentonan di kategoria U-14 bai representá Kòrsou.
E enfoke prinsipal di e serinan aki ta pa duna oportunidat pa desaroyo di nos talentonan lokal, fortalesé e liganan nashonal i promové balansa kompetitivo denter di region di Karibe.
Despues di basta luna di preparashon, mañan 14 di ougùstùs 2026, den oranan di anochi nos hóbennan lo sali rumbo pa Punta Cana via Panama pa bai demonstrá nan talento durante e torneo aki.
Un total di 28 pais ta kompetí den e 2026 CFU Under-14 Challenge Series ku a keda repartí den 7 grupo di 4 pais. Kòrsou ta forma parti di grupo C huntu ku Jamaica, Aruba i St. Kitts & Nevis.
Skema di nos partidonan;
| Fecha | Orario | Ekipo di kas | Bishsitante | Stadion | |
| 1 | 17-8-2026 | 9:30 AM | Aruba | Kòrsou | Capcana Sport Center |
| 2 | 18-8-2025 | 2:00 PM | Kòrsou | St. Kitts & Nevis | |
| 3 | 19-8-2025 | 1:30 PM | Jamaica | Kòrsou |
Despues di e partidonan di e ronda preliminar, lo tin e partidonan di semi final i final ku lo tuma lugá dia 21 i 24 di ougùsttus 2026. E ekiponan ku klasifiká komo number 1 di kada pul i e mihó number 2 lo avansá pa e final di e torneo aki.
Nos hóbennan di U-14 ta bou di guia di Sendley Bito ku ta wòrdu asistí pa Pablo Alomá Mark komo entrenadó di portero. Esun enkargá ku nos materialnan ta Olivier Windster, nos masagista ta Clinton Leocadia, dòkter ta Ramfis Fillet i manager di tim ta Liviéna Rijnschot.
E direktor tékniko di FFK, Gersley Gijsbertha i Thomas Slos representante di FIFA Talent pa Kòrsou tambe ta kompañá nos hóbennan i e hefe di delegashon ta Rudsel Schmidt, miembro di direktiva di FFK.
E grupo di talentonan lokal di U-14 ta konsistí di e siguiente hungadónan;
- Shur-Yeadion Maria
- Jeodry Martina
- Fernando Doria Aronna
- J-Diore Sintjago.
- Claymar Ocalia Virginia
- Ayzic Marin Helena
- Saveh Dorand
- Mirayshelo Macaay
- Dayrion Lodovica Valks
- Qeybiean Elizabeth
- Rocco Kauw-A-Tjoe Dovale
- D’Mani Cijntje
- Raedion Leito
- Rishandrick Kopra
- David Mook
- Ky-mani Maccay
- Shurion Serberie Kenepa
- N’Saygel Dorothea
FFK ta deseá e hungadónan i e staf hopi éksito durante e partidonan di 2026 CFU Under-14 Challenge Series.
13 ougùstùs 2026
