FIFA Plus (+) ta yega Kòrsou

FIFA Plus (+) ta yega Kòrsou

 

Willemstad–  Presidente di Federashon di Futbòl Kòrsou, Ramiro Griffith ayera den kompania di  direktiva, ofisialmente a anunsiá yegada di FIFA Plus (+) na Kòrsou. E anunsio a tuma lugá den KONTENTU Studios na Sambil, unda e presidente alabes a informá ku e kas produktor KONTENTU komo nan sosio.

FIFA + ta un servisio di stream video di FIFA mediante un plataforma ku ta entrega liganan di futbòl doméstiko rònt mundu. Ta trata di produkshon di weganan di kampeonatonan lokal di mas ku 100 miembro asosiá akaparando riba 244 mion siguidó (viewers) rònt mundu. E transmishonnan riba plataforma di FIFA + ta aksesibel pa e kontinentenan di Afrika, Amérika, Asia i Oropa. Durante un enkuentro ku ekiponan miembro e aña aki, Griffith a anunsiá e eskoho di KONTENTU komo e sosio di FFK pa kuminsá presentá kontenido riba futbòl, entre otro e proseso di stream weganan pa plataforma di FIFA

Ayera Griffith den kompania di Gysha Sulvaran di KONTENTU a splika e benifisionan di FIFA+. Mediante FIFA+, Kòrsou ta bira aksesibel rònt mundu den un kapasidat ya menshoná di 240 mion hende. Via FIFA+, Kòrsou su kampeonato ta forma parti di 30 mil wega di futbòl rònt mundu i ku posibilidat pa produsí dokumentalnan riba historia di nos futbòl lokal. FIFA+ alabes ta pone disponibel modelonan di estadístika pa analisá data i sifras di hungadó. Te intenshon pa kuminsá stream tur wega di Promé Divishon i Divishon di Damas pa despues sigui weganan hubenil i infantil.

 

Foto:

Na mesa di konferensha ayera, Gysha Sulvaran, Ramiro Grifith i Remfis Donker.

 

Share this page to Telegram

This site uses Akismet to reduce spam. Learn how your comment data is processed.

%d bloggers like this: