Parlamento di Kòrsou ta reuní ku Konseho di Minister, akompaña ku nan respektivo konseheronan, relashoná ku proseso nobo pa hasi tratamentu di Presupuesto di Kòrsou mas efektivo i transparente.

Djaluna 17 di ougùstùs 2026, riba invitashon di Presidente di Parlamento sr. Fergino Brownbill, Konseho di Minister a reuní ku Presidente di Parlamento, kual tabata kompañá pa Grefir i Hefe di Proseso Konstitushonal.

E meta di e reunion aki tabata pa presentá i diskutí e proseso nobo pa e tratamentu di Presupuesto di Kòrsou den Parlamento. Ku e adaptashonnan aki, ta hasi tratamentu di e dokumentu finansiero mas importante di nos pais mas efektivo, strukturá i transparente.

Pronto Parlamento di Kòrsou lo informa i splika e detayenan di e proseso aki na pueblo di Kòrsou.