Resumen di insidentenan den tráfiko durante promé mitar di 2026

Willemstad – Di 17 pa 21 di ougùstùs 2026 ta Siman Nashonal di Tráfiko Sigur. Minister Charles Cooper huntu ku Servisio pa Tráfiko i Transporte (UOVV) ta publiká un resumen di sifranan di insidentenan for di yanüari te ku yüni 2026.

Meta di esaki ta pa konsientisá pueblo i stimulá un mihó komportashon den nos tráfiko.

• 6.682 insidente registrá pa Forensys den seis luna. Un total impresonante di 12.372 vehíkulo tabata envolví den e insidentenan akí.
• Si nos konta solamente e aksidentenan di tráfiko i laga hortamentu, vandalismo, kandela i daño pa desaster natural pafó, nos ta papia di 6.351 aksidente di tráfiko.
• 1.949 persona a resultá heridá den tráfiko. Esaki ta nifiká un promedio di mas ku 10 persona heridá pa dia durante e promé mitar di aña.
• Tabatin 7 morto den tráfiko, kompará ku 12 den e mesun periodo di 2025. Esaki ta representá un bahada di aproksimadamente 42%.
• Den 649 insidente, e vehíkulo a bandoná e lugá despues di e insidente. Luna di mei ta resaltá ku 149 kaso, e sifra mensual mas haltu.
• Kolishon dilanti-ku-patras ta e tipo di aksidente mas komun, ku 1.578 kaso (23,6%). Despues ta sigui kolishon lateral ku 1.279 kaso (19,1%) i kolishon ora di bèk ku 1.096 kaso (16,4%).
• Probablemente e sifra ku mas ta hala atenshon ta 94,2% pa falta di atenshon, ku un total di 6.298 registrashon. P’esei e rapòrt ta pone un énfasis fuerte riba komportashon di e shòfùr den tráfiko.
• Caracasbaaiweg ta e hotspot prinsipal ku 247 aksidente, siguì pa F.D. Rooseveltweg (227), Schottegatweg Noord (203), Winston Churchillweg (179) i Santa Rosaweg (168).
• Banda di aksidentenan di tráfiko, Forensys a registrá tambe 200 vehíkulo hòrtá, 110 kaso di vandalismo i 21 vehíkulo ku a pega kandela.

Pues pa resumí un total 6.351 aksidente di tráfiko, 1.949 persona heridá, 7 morto den tráfiko i 94,2% relashoná ku falta di atenshon.
VVRP – Buletin – Verkeersveiligheidscijfers – 2026