KUERPO POLISIAL KÒRSOU 

KOMUNIKADO DI PRENSA

265/2026

19 ougùstùs 2026 

Detenshon relashoná ku un kaso di menasa ku morto 

Djamars 18 di ougùstùs 2026 alrededor di 17.30’or, Sentral di polis a dirigí  un unidat polisial pa un sentro komersial riba Caracasbaaiweg pa un kaso  di menasa ku morto. 

Na yegada di e unidat el a topa ku un dama ku a deklará na polis ku su  pareha a menas’é ku morto. 

Na e sitio polis a detené e hòmber G.D.P.R. di 42 aña di edat nasé na  Colombia, relashoná ku e kaso ariba menshoná. 

A presentá e sospechoso dilanti di un fiskal ouksiliar ku a ordená su enkarselamentu pendiente di mas investigashon.