EKONOMIA I KLIMA EMPRESARIAL Suministro di elektrisidat konfiabel ta esensial pa ekonomia i kontinuidat empresarial Kámara ta hasi un yamada pa un plan konkreto, transparente i ku plasonan kla pa fortalesé seguridat di suministro di forma struktural.

EKONOMIA I KLIMA EMPRESARIAL

Suministro di elektrisidat konfiabel ta esensial pa ekonomia i kontinuidat empresarial

Kámara ta hasi un yamada pa un plan konkreto, transparente i ku plasonan kla pa fortalesé seguridat di suministro di forma struktural.

Willemstad, Kòrsou – Kámara di Komèrsio i Industria di Kòrsou ta seriamente preokupá pa e interupshonnan den suministro di elektrisidat na Kòrsou. Pa kasnan, e interupshonnan aki tin un impakto grandi; pa empresanan, e interupshonnan ta trese tambe kostonan direkto, riesgonan operashonal i insertidumbre tokante kontinuidat di aktividatnan empresarial. Un suministro di elektrisidat konfiabel i stabil ta p’esei un kondishon esensial pa un ekonomia ku ta funshoná bon.

Interupshonnan ta resultá den pèrdida di produktividat, interupshon di prosesonan empresarial, daño na ekipo i inventario, pèrdida di entrada i kostonan adishonal. Prinsipalmente empresanan ku ta dependé di sistemanan digital, refrigerashon, prosesonan di produkshon, sistemanan di pago i otro fasilidatnan krítiko pa nan operashon ta wòrdu afektá mesora.

Konsekuensianan ekonómiko direkto i duradero

E konsekuensianan ekonómiko no ta terminá mesora ku suministro di elektrisidat ta restablesé. Empresarionan ta enfrentá tempu di trabou pèrdí, servisio interumpí, benta pèrdí, trabounan di reparashon i posibel daño duradero na ekipo òf inventario. Si interupshon di koriente ta ripití, esaki por afektá tambe konfiansa di klientenan, invershonistanan i empresanan internashonal den Kòrsou komo un pais konfiabel pa establesé i invertí.

Pa un ekonomia ku ta aspirá pa oumentá su kompetitividat i atraé invershon, esaki ta un desaroyo preokupante. Empresanan mester por konfia ku infrastruktura esensial ta disponibel i konfiabel. Esaki ta konta spesialmente pa sektornan ku ta kontribuí na empleo, eksportashon, turismo, prestashon di servisio i diversifikashon ekonómiko.

Di reparashon di fayo pa un sistema strukturalmente duradero

Kámara di Komèrsio ta rekonosé ku produkshon i distribushon di elektrisidat ta téknikamente kompleho, i ku generatornan defektuoso, disponibilidat di piesanan i kondishonnan meteorológiko ku ta varia por krea preshon operashonal. Hustamente p’esei ta nesesario pa tin un sistema energétiko duradero ku sufisiente kapasidat di reserva i di emergensia. Splikashon tokante insidentenan ta duna konteksto, pero no por remplasá un solushon struktural ora interupshonnan ta ripití òf ta wòrdu premirá.

Ademas di resolvé fayo, ta nesesario pa atendé debidamente e kousanan fundamental, konfiabilidat di e infrastruktura, kapasidat disponibel pa produkshon i e invershonnan nesesario pa prepará e sistema energétiko pa futuro.

Sostenibilidat, preis pagabel i seguridat di suministro den balansa

E transishon energétiko ta ofresé oportunidatnan importante pa Kòrsou, pero tambe ta trese desafionan. E transishon pa un sistema energétiko mas sostenibel no mag di bai na kosto di konfiabilidat di suministro di elektrisidat. Sostenibilidat, preis pagabel i seguridat di suministro mester wòrdu trata komo prinsipionan di mesun importansia.

Plan di akshon konkreto, transparente i ku plasonan kla

Kámara di Komèrsio ta yama Aqualectra i e otro partidonan envolví pa presentá ku urgensia un plan di akshon konhunto. Mester ta kla pa empresarionan i komunidat:

1. kua medidanan lo wòrdu tumá riba término kòrtiku pa limitá frekuensia i durashon di interupshonnan di koriente;
2. kon lo garantisá sufisiente kapasidat di reserva i di emergensia;
3. kua invershonnan struktural lo wòrdu realisá i denter di kua plaso; i
4. kon e sektor empresarial i públiko lo wòrdu informá na tempu i di manera kla tokante progreso i eventual interupshonnan.

Ademas, Kámara di Komèrsio ta konsiderá nesesario pa monitoreá sistemátikamente e konsekuensianan ekonómiko di interupshon di koriente. Ora e magnitut i karakter di e daño ta kla, por determiná mihó kua invershonnan i medidanan di maneho ta nesesario pa komunidat i ekonomia. Kámara di Komèrsio ta dispuesto pa aportá e eksperensianan i puntonan di atenshon di sektor empresarial den e proseso aki.

Un suministro di elektrisidat konfiabel ta forma e base di un ekonomia salú i resiliente. Kòrsou no por permití ku empresanan strukturalmente ta wòrdu konfrontá ku insertidumbre tokante disponibilidat di elektrisidat. P’esei, Kámara di Komèrsio ta sigui insistí riba un akshon desidido, transparente i struktural ku ta garantisá kontinuidat di sektor empresarial i desaroyo ekonómiko di Kòrsou.

Kámara di Komèrsio i Industria di Kòrsou

 

 

 

Betrouwbare stroomvoorziening essentieel voor economie en bedrijfscontinuïteit

De Kamer roept op tot een concreet, transparant en tijdgebonden plan om de leveringszekerheid structureel te versterken.

Willemstad, Curaçao – De Kamer van Koophandel en Nijverheid Curaçao maakt zich ernstig zorgen over de aanhoudende stroomonderbrekingen op Curaçao. Voor huishoudens zijn deze onderbrekingen ingrijpend; voor ondernemingen brengen zij bovendien directe kosten, operationele risico’s en onzekerheid over de continuïteit van bedrijfsactiviteiten met zich mee. Een betrouwbare en stabiele stroomvoorziening is dan ook een essentiële randvoorwaarde voor een goed functionerende economie.

Herhaalde uitval leidt tot productiviteitsverlies, onderbreking van bedrijfsprocessen, schade aan apparatuur en voorraden, omzetderving en extra kosten. Vooral ondernemingen die afhankelijk zijn van digitale systemen, koeling, productieprocessen, betalingsverkeer en andere bedrijfskritische voorzieningen worden onmiddellijk geraakt.

Directe én langdurige economische gevolgen

De economische gevolgen houden niet op zodra de stroomvoorziening is hersteld. Ondernemers worden geconfronteerd met verloren arbeidstijd, verstoorde dienstverlening, gemiste verkopen, herstelwerkzaamheden en mogelijk blijvende schade aan apparatuur of voorraden. Bij herhaling kan stroomuitval bovendien het vertrouwen aantasten van klanten, investeerders en internationale ondernemingen in Curaçao als betrouwbare vestigings- en investeringslocatie.

Voor een economie die haar concurrentiekracht wil vergroten en investeringen wil aantrekken, is dit een zorgwekkende ontwikkeling. Ondernemingen moeten erop kunnen vertrouwen dat essentiële infrastructuur beschikbaar en betrouwbaar is. Dat geldt in het bijzonder voor sectoren die bijdragen aan werkgelegenheid, export, toerisme, dienstverlening en economische diversificatie.

Van storingsherstel naar structurele weerbaarheid

De Kamer onderkent dat de productie en distributie van elektriciteit technisch complex zijn en dat defecte generatoren, de beschikbaarheid van onderdelen en wisselende weersomstandigheden operationele druk kunnen veroorzaken. Juist daarom is een weerbaar energiesysteem met voldoende reserve- en noodcapaciteit noodzakelijk. Toelichting op incidenten biedt context, maar kan een structurele oplossing niet vervangen wanneer onderbrekingen terugkeren of voorzienbaar zijn.

Naast het verhelpen van storingen is daarom een grondige aanpak nodig van de onderliggende oorzaken, de betrouwbaarheid van de infrastructuur, de beschikbare productiecapaciteit en de investeringen die nodig zijn om het energiesysteem toekomstbestendig te maken.

Duurzaamheid, betaalbaarheid en leveringszekerheid in balans

De energietransitie biedt Curaçao belangrijke kansen, maar brengt ook uitdagingen met zich mee. De overgang naar een duurzamer energiesysteem mag niet ten koste gaan van de betrouwbaarheid van de stroomvoorziening. Duurzaamheid, betaalbaarheid en leveringszekerheid moeten als gelijkwaardige uitgangspunten worden behandeld.

Concreet, transparant en tijdgebonden actieplan

De Kamer roept Aqualectra en de overige betrokken partijen op om met urgentie een gezamenlijk actieplan te presenteren. Voor ondernemers en de samenleving moet duidelijk zijn:

1. welke maatregelen op korte termijn worden genomen om de frequentie en duur van stroomonderbrekingen te beperken;
2. hoe voldoende reserve- en noodcapaciteit wordt gewaarborgd;
3. welke structurele investeringen worden uitgevoerd en binnen welke termijnen; en
4. hoe het bedrijfsleven en het publiek tijdig en helder worden geïnformeerd over de voortgang en eventuele onderbrekingen.

Daarnaast acht de Kamer het noodzakelijk dat de economische gevolgen van stroomuitval systematisch worden gemonitord. Wanneer de omvang en aard van de schade inzichtelijk zijn, kan beter worden vastgesteld welke investeringen en beleidsmaatregelen maatschappelijk en economisch noodzakelijk zijn. De Kamer is bereid de ervaringen en aandachtspunten van het bedrijfsleven in dit proces in te brengen.

Een betrouwbare stroomvoorziening vormt het fundament van een gezonde en veerkrachtige economie. Curaçao kan zich niet veroorloven dat ondernemingen structureel in onzekerheid verkeren over de beschikbaarheid van elektriciteit. De Kamer blijft daarom aandringen op een voortvarende, transparante en structurele aanpak die de continuïteit van het bedrijfsleven en de economische ontwikkeling van Curaçao waarborgt.

Kamer van Koophandel en Nijverheid Curaçao