Rumbo i Raís: mas ku shen obra di David Paulus ta reuni rumbo, rais i memoria  di Kòrsou 

Rumbo i Raís: mas ku shen obra di David Paulus ta reuni rumbo, rais i memoria  di Kòrsou 

Willemstad, 19 di ougùstùs 2026 

Djaweps 20 di ougùstùs, Museo di Kòrsou ta habri Rumbo i Raís, e eksposishon  solo nobo di artista multidisiplinario kurasoleño David Paulus. For di 19:00 te  21:00, públiko ta invitá pa deskubrí e eksposishon den un anochi ku músika di DJ  Dorene Woodz. Entrada ta gratis. 

Rumbo i Raís ta sali for di un pregunta fundamental: no solamente unda nos ta  bai, sino tambe for di unda nos a bini. Rumbo i rais ta eksistí banda di otro. Nos  pasado, nos memoria i loke generashonnan promé ku nos a laga atras ta sigui  forma e manera ku nos ta move dilanti. 

Den mas ku shen obra di arte, Paulus ta reuni portrètnan, memoria, ekspreshon,  material i historia ku ta konektá diferente generashon i diferente parti di sosiedat  kurasoleño. Artista, eskritor, edukadó, kargadó di kultura, polítiko, aktivista,  músiko, deportista, trahadó sosial i miembronan di su propio famia ta forma parti  di e universo visual di e eksposishon. 

Kasí tur obra tin un palabra, dicho òf ekspreshon ligá na dje. Tin ku Paulus a tende  den su propio famia, otro ta bini for di memoria kultural di Kòrsou i tambe for di  nos isla hermana Aruba. Materialnan ku anteriormente tabatin un otro funshon ta  haña bida i nifikashon nobo den su práktika artístiko. Asina, memoria no ta  presentá komo algu ku a keda intakto, sino komo algu ku ta sigui kambia, move i  haña forma nobo. 

Un parti di e personanan retratá no ta na bida mas. Sinembargo, e eksposishon no  ta indiká ora nan a fayesé. Esaki ta un eskoho konsiente. Rumbo i Raís no ta pone  un frontera entre esnan ku ta aki i esnan ku a bai dilanti di nos. E ta reflehá un  kreensia ku hopi kurasoleño ta kompartí: ku nos antepasadonan ta sigui presente,  ta kompañá nos i ta forma parti di ken nos ta. 

E mesun ideanan ta presente den e proseso kreativo di Paulus. Ora e ta krea, e no  ta konsiderá su mes komo un artista ku ta traha su so. E ta krea den kompanía di  su antepasadonan. Den su obra, pasado i presente ta biba den e mesun espasio.

David Paulus ta un artista multidisiplinario kurasoleño ku ta biba i traha na  Doetinchem, Hulanda. Su práktika artístiko ta profundamente ankrá den su  raisnan kurasoleño i den eksperensia di diáspora. Historia di famia, ritual,  identidat, antepasadonan i memoria kolektivo ta sigui forma un parti importante  di su trabou. Resientemente, Gobièrnu di Kòrsou a honr’é pa e manera ku e ta  duna visibilidat na kultura i identidat kurasoleño den eksterior. 

Ku Rumbo i Raís, Museo di Kòrsou ta invitá públiko pa wak, rekonosé, rekordá i  bolbe konektá. Ken bo ta rekonosé? Kua historia ta toka bo? I kiko nos ta laga  atras pa e generashonnan ku ta bini despues di nos? 

Informashon práktiko 

Eksposishon: Rumbo i Raís, solo eksposishon di David Paulus 

Inougurashon: Djaweps 20 di ougùstùs 2026 

Ora: 19:00 te 21:00 

Lugá: Museo di Kòrsou 

Entrada: Liber 

Músika: DJ Dorene Woodz 

Rumbo i Raís ta posibel danki na sosten di Museo di Kòrsou i Cultuurfonds  Caribisch Gebied.

 

---

 

 

Rumbo i Raís: meer dan honderd kunstwerken van David Paulus brengen koers,  wortels en het geheugen van Curaçao samen 

Willemstad, 19 augustus 2026 

Op donderdag 20 augustus opent Het Curaçaosch Museum Rumbo i Raís, de  nieuwe solotentoonstelling van de Curaçaose multidisciplinaire kunstenaar David  Paulus. Van 19:00 tot 21:00 is het publiek welkom om de tentoonstelling te  ontdekken tijdens een openingsavond met muziek van DJ Dorene Woodz. De  toegang is gratis. 

Rumbo i Raís vertrekt vanuit een fundamentele gedachte: een samenleving wordt  niet alleen bepaald door de richting waarin zij zich beweegt, maar ook door waar  zij vandaan komt. Koers en wortels bestaan naast elkaar. Ons verleden, onze  herinneringen en wat eerdere generaties hebben doorgegeven, blijven mede  bepalen hoe wij vooruitgaan. 

In meer dan honderd kunstwerken brengt Paulus portretten, herinneringen,  uitdrukkingen, materialen en verhalen samen die verschillende generaties en  verschillende delen van de Curaçaose samenleving met elkaar verbinden.  Kunstenaars, schrijvers, onderwijzers, cultuurdragers, politici, activisten, musici,  sporters, sociaal werkers en leden van zijn eigen familie maken deel uit van het  visuele universum van de tentoonstelling. 

Bijna ieder werk is verbonden aan een woord, gezegde of uitdrukking. Sommige  daarvan hoorde Paulus binnen zijn eigen familie, andere komen voort uit het  culturele geheugen van Curaçao en uit gezegden van ons zustereiland Aruba.  Materialen die ooit een andere functie hadden, krijgen binnen zijn artistieke  praktijk een nieuw leven en een nieuwe betekenis. Zo verschijnt cultureel  geheugen niet als iets dat onveranderd bewaard blijft, maar als iets dat  voortdurend wordt gevormd, doorgegeven en opnieuw geïnterpreteerd. 

Sommige mensen die Paulus portretteert zijn niet meer onder ons. Toch vermeldt  de tentoonstelling bewust niet wanneer zij zijn overleden. Rumbo i Raís trekt  geen harde grens tussen degenen die hier zijn en degenen die ons zijn  voorgegaan. Daarmee raakt de tentoonstelling aan een overtuiging die veel 

Curaçaoënaars delen: dat onze voorouders aanwezig blijven en ons blijven  vergezellen, leiden en vormen. 

Die gedachte is ook verweven met het creatieve proces van Paulus zelf. Wanneer  hij creëert, beschouwt hij zichzelf niet als iemand die alleen werkt. Hij creëert in  het gezelschap van zijn voorouders. In zijn werk bestaan verleden en heden  daardoor naast elkaar en ontmoeten verschillende generaties elkaar opnieuw. 

David Paulus is een Curaçaose multidisciplinaire kunstenaar die woont en werkt in  Doetinchem. Zijn praktijk is diep geworteld in zijn Curaçaose afkomst en in de  ervaring van de diaspora. Familiegeschiedenissen, rituelen, voorouders, identiteit  en collectieve herinnering vormen terugkerende elementen in zijn oeuvre.  Recentelijk werd hij door de regering van Curaçao gehonoreerd voor de wijze  waarop hij de Curaçaose cultuur en identiteit in het buitenland uitdraagt. 

Met Rumbo i Raís nodigt Het Curaçaosch Museum het publiek uit om te kijken, te  herkennen, te herinneren en opnieuw verbinding te maken. Wie herken je? Welk  verhaal raakt aan het jouwe? En wat geven wij op onze beurt door aan de  generaties die na ons komen? 

Praktische informatie 

Tentoonstelling: Rumbo i Raís, solotentoonstelling van David Paulus Opening: donderdag 20 augustus 2026 

Tijd: 19:00 tot 21:00 

Locatie: Het Curaçaosch Museum 

Toegang: gratis 

Muziek: DJ Dorene Woodz 

Rumbo i Raís is mede mogelijk gemaakt door Het Curaçaosch Museum en  Cultuurfonds Caribisch Gebied.