Detenshon i konfiskashon pa violashon di lei di arma di kandela 

KUERPO POLISIAL KÒRSOU 

KOMUNIKADO DI PRENSA

274/2026

24 ougùstùs 2026 

Detenshon i konfiskashon pa violashon di lei di arma di kandela 

Djaluna 24 di ougùstùs 2026 alrededor di 03.32’or, e tim di “Satis est’ a  tene kontròl riba lugá di stashoná outo di un establesimentu situá riba  Pater Eeuwensweg. 

Durante di e kontròl aki, un hòmber i un dama den un outo a trata na  eskivá e kontròl aki i trata na bai for di e sitio. 

Polis a blòkia e vehíkulo i a bai kontrolá e pareha, okupante di e outo. Den e outo polis a enkontrá un arma di kandela ku a keda konfiská. Mesora a hasi detenshon di e hòmber S.I.J. di 46 aña di edat i e dama  D.C.H. di 36 aña di edat, tur dos nasé na Kòrsou. 

A presentá ámbos dilanti di un fiskal ouksiliar ku a ordená 

enkarselamentu di e hòmber, mientras ku e dama a keda lagá den libertat  despues di interogashon.