KUERPO POLISIAL KÒRSOU 

 

KOMUNIKADO DI PRENSA

276/2026

24 ougùstùs 2026 

Kaso di hinkamentu 

Djaluna 24 di ougùstùs 2026 alrededor di 14.14’or, Sentral di Polis a dirigí  unidat di Otrobanda pa e playa na Parasasa pa un kaso serio di  

hinkamentu. 

Na yegada di e unidat, el a topa un hòmber tur na sanger i ku un herida  grave na altura di su hep ku tabata sangrando. 

Mesora a pidi presensia di ambulans, pa transportá e víktima ku urgensia  pa Sala di Emergensia di C.M.C., ya ku su situashon tabata mustra krítiko. Di testigunan na e sitio polis a komprondé ku e víktima tabatin un  interkambio di palabra siguí pa un pelea ku un otro hòmber. 

Dado momentu e agresor a propiná su víktima un hinká ku un opheto  skèrpi. 

E sospechoso no tabata na e sitio mas, na momentu ku polis a yega. Investigashon den e kaso ta kontinuá.