Kandela den un banko situá den Kaya Grandi.

Djaweps 30 di mart, alrededor di algu pa 8 or di mainta meldkamer sentral a risibí notifikashon tokante un kandela den un banko situá den Kaya Grandi. Polis a akudí na e sitio i a evakuá e edifisio i tambe a sera parti di Kaya Grandi mièntras brantwer a kuminsa ku trabounan pa kombatí e kandela. Algun ratu despues a paga e kandela. No tabatin herido. Ta investigando kousa di e kandela. Kaya Almirante Luis Brion ku ta situá den banda di e banko ta keda será temporalmente.