Intento di atrako a tuma lugá na un ofisina di number situá na Kaya Nikiboko Súit

Djaweps atardi alrededor di 4.45 or un intento di atrako a tuma lugá na un ofisina di number situá na Kaya Nikiboko Súit. Un hòmber kara tapa i armá ku un bate a drenta e ofisina i èksigi sen. E trahadó tabata sintá den un hòki di glas di kual e porta tabata será na lòk i e no a duna oído na petishon di e malechor. E malechor na su turno a ripará ku e lo no a logra su meta i el a sali bai. E kaso ta bou di investigashon.