Kontinuashon di deliberashon ku Minister Presidente sr. Gilmar Pisas enkuanto e último desaroyonan rondó di e kompania ORYX/VIGOR i tambe Global Oil relashoná ku e operashon di nos refineria, den Reunión Públiko di Parlamento di Kòrsou.

Djamars, 25 di ougùstùs 2026, Parlamento di Kòrsou a kontinuá ku e Reunión Públiko ku a keda di skòrs riba djaluna, 9 di febrüari 2026, pa trata e punto di agènda: “Deliberashon ku Minister Presidente sr. Gilmar Pisas enkuanto e último desaroyonan rondó di e kompania ORYX/VIGOR i tambe Global Oil relashoná ku e operashon di nos refineria.”

Visepresidente di Parlamento, sr. Ramón Yung, a habri e reunion i a duna oportunidat na Minister Presidente, sr. Gilmar Pisas, pa kontestá e preguntanan ku Miembronan di Parlamento a hasi durante e promé tanda.

Despues di e kontestanan di e promé tanda, Visepresidente a habri e di dos tanda, kaminda Miembronan di Parlamento a haña oportunidat pa hasi nan preguntanan adishonal, na Minister Presidente.

Minister Presidente a pidi algun ora pa por prepará e kontestanan riba e preguntanan ku Miembronan di Parlamento a hasi den e di dos tanda. Pa e motibu aki, Visepresidente a skòrs e reunion pa algun ora.

Despues ku e reunion a keda reanudá, Minister Presidente a kontestá e preguntanan ku Miembronan di Parlamento a hasi den e di dos tanda.

Ademas, Frakshon di MFK a presentá un moshon ku a keda aprobá ku 14 voto pro i 1 voto kontra. E esensia di e moshon ta, ku ta urgi Gobiernu pa hasi un evaluashon riba funshonamento 2Bays i e Hunta di Komisario.

Na final di e reunion visepresidente sr. Ramón Yung a sera e reunion.