Parlamento di Kòrsou a deliberá ku representantenan di sektor di turismo i medio ambiente, enkuanto kapasidat turístiko di nos pais.

Djarason, 26 di ougùstùs 2026, Parlamento di Kòrsou a reuní den un Komishon Sentral pa trata dos punto di agènda.

E promé punto tabata “Deliberashon ku representantenan di Curaçao Tourist Board (CTB), Curaçao Hospitality and Tourism Association (CHATA), Fundashon CARMABI i CASHA Curaçao enkuanto kapasidat turístiko di nos pais”.

E reunion a kuminsá ku e presentashon di CHATA, sra. Anuschka Cova, siguí pa sr. Manfred van Veghel di CARMABI i despues sr. Hans Pleij di CASHA Curaçao,

Despues di e presentashonnan, Visepresidente, sr. Ramón Yung, a habri un úniko tanda di 10 minüt, kaminda Miembronan di Parlamento a haña oportunidat pa hasi nan preguntanan i duna nan disertashon den sala di Parlamento.

Na final di e tanda, e representantenan di e organisashonnan a indiká ku nan mester di algun tempu pa por prepará e kontestanan. Pa e motibu aki, Visepresidente a skòrs e tratamentu di e punto di agènda te ku próksimo aviso.

Seguidamente, a trata e di dos punto di agènda: “Proposishon di biahe pa Boneiru relashoná ku Apertura di Aña di Konseho Insular”, ku lo tuma lugá riba djasabra, 5 di sèptèmber 2026 i Dia di Boneiru, ku lo tuma lugá riba djadumingu, 6 di sèptèmber 2026. Miembronan di Parlamento a bai di akuerdo ku e proposishon di biahe pa Boneiru.

Na final, Visepresidente di Parlamento, sr. Ramón Yung, a skòrs e reunion te ku próksimo aviso.