Djabièrnè, 28 di ougùstùs 2026, Parlamento di Kòrsou a trata e “Ontwerplandsverordening houdende regels met betrekking tot het speciaal funderend onderwijs (Landsverordening speciaal funderend onderwijs)” (Zittingsjaar 2023-2024-222) den un Reunion Públiko.

Na inisio di e reunion Visepresidente di Parlamento, sr. Ramón Yung, a duna Minister di Enseñansa, Siensia, Kultura i Deporte, sr. Sithree van Heydoorn, espasio pa hasi un introdukshon riba e proyekto di Lei aki.

Seguidamente, Miembronan di Parlamento a haña oportunidat pa hasi nan preguntanan na e Minister den e promé tanda di 20 minüt. Minister a pidi algun ora pa prepará e kontestanan riba e preguntanan.

Despues ku e reunion a reanudá, Minister a kontestá e preguntanan i a sigui ku e di dos tanda di 10 minüt. Tur Miembro ku a hiba palabra a gradesí Minister pa e kontestanan i a indiká di ta positivo ku finalmente ta bai tin un Ordenansa Nashonal ku ta regla skol di fundeshi pa enseñansa speshal. Tabatin un pregunta aklaratorio di parti un miembro ku Minister a kontestá mesora.

Na final, Parlamento a pasa na votashon i a aprobá e konsepto di lei den su totalidat ku votonan general.

Visepresidente di Parlamento, sr. Ramón Yung, a sera e reunion.