Korps Politie Aruba HOMBER ATRACA NA CUMANA

Diabierna pa mas o menos 1:45 di marduga central di polis ta despacha e patruya di Oranjestad pa un apartamento situa na Cumana.

E prome informe ta cu lo ta trata di un atraco.

Na yegada di patruya nan ta wordo aserca pa un hende homber cu ta declara cu un rato prome e lo a wordo atraca pa 3 hende homber.

Un di nan tabata tin un arma di candela. E sospechosonan lo a agredie cu e arma di candela door di dale tras di su nek.

Despues e sospechosonan lo a bay cu su pertenecianan. Ta trata di varios joyas ( cadena-, rechinan y holoshi) tambe placa.

E sospechosonan lo tabata bisti na pañanan scur y cu cara tapa. Nan lo a papia papiamento y spaño y nan mester lo a huy na pia.

A pidi ambulance pa e victima pa asina controle y dune e asistencia medico necesario.

Atraco Team a presenta como tambe polis technico pa asina haci nan investigacion.

Cuerpo Policial Aruba ta haci un apelacion na e personan cu sa algo of a wak algo pa yama e tiplijn di polis cu ta 11141. Bo ta keda anonimo.