Riba e di dos dia di JVO e 4 Ministernan huntu ku nan delegashon a bai di bishita tambe na U.S. Consulate General Curacao pa un almuerso ku Kònsùl General Chico Negron. E enkuentro aki a brinda un bon oportunidat pa dialogá tokante kon nos por sigui fortifiká i profundisá e koperashon entre Estádos Unídos i e paisnan den Reino.

Durante e kombersashon, atenshon a bai entre otro na koperashon riba tereno di mantenshon di lei i órden, formashon i seguridat di frontera. Den un region kaminda nos paisnan ta estrecho konektá ku otro, koperashon internashonal ta hunga un papel importante den enfrentá e diferente retonan riba tereno di seguridat.

Interkambio di eksperensia, konosementu i mihó kordinashon entre nos institushonnan ta kontribuí na un kadena di hustisia mas fuerte i prepará. Diálogonan manera esaki ta importante pa sigui konstruí riba e relashonnan eksistente i eksplorá oportunidatnan nobo pa koperashon, ku komo meta komun: sigui kontribuí na seguridat i protekshon di nos komunidatnan.