KUERPO POLISIAL KÒRSOU 

KOMUNIKADO DI PRENSA

286/2026 3 sèptèmber 2026 

Kaso di maltrato ku detenshon 

Djárason 2 di sèptèmber 2026 alrededor di 16.25’or, Sentral di Polis a dirigí  un unidat di warda di polis di Punda pa un toko riba Anasaweg pa un kaso  di maltrato. 

Na yegada di e unidat, el a topa un hòmber pafó di e toko, mará na man i  pia. 

For di deklarashon di personanan den besindario, polis a komprondé ku  un ratu promé e hòmber enkestion a maltratá un hòmber i un dama di  edat. 

E agresor a yega na e toko pa kumpra un produkto, pero na momentu di  paga, e mashin no a aseptá su tarheta di bankomatiko. 

Despues ku el a pidi e hòmber di edat sèn i esaki a ninga, el a kuminsá  agredí tantu e hòmber di edat komo un dama. 

Dos otro hòmber den e establesimentu a dominá e sospechoso i a mar’é  pendiente yegada di polis. 

Personal di ambulans ku a yega na e sitio a duna asistensia médiko na e  dos víktimanan. 

Na e sitio polis a detené e hòmber A.J.E.K. di 20 aña di edat nasé na  Kòrsou. 

A present’é dilanti di un fiskal ouksiliar ku a ordená su enkarselamentu  pendiente di mas investigashon.