Durante e consulta, e ministernan di Husticia di Aruba, Corsou, Sint Maarten y Hulanda ta discuti diferente asunto actual den e area di husticia y siguridad den Reino.

Minister Dowers lo participa den e consulta hunto cu Minister Nathalie Tackling di Sint Maarten, Minister Shalten Hato di Corsou y Minister David van Weel di Hulanda.

E Justitieel Vierlandenoverleg  ta tuma luga dos biaha pa aña, cada bes den un di e cuater paisnan di Reino. E consulta ta ofrece e paisnan e oportunidad pa intercambia informacion y experencia y pa sigui fortalece cooperacion den e area di husticia y aplicacion y cumplimento di ley (rechtshandhaving).

Durante e encuentro aki lo trata entre otro temanan di polis, lucha contra ciminalidat, criminalidad cu ta transpasa frontera, e sistema di prison y e cadena di husticia. Den esaki ta duna atencion tanto na asuntonan cu ta afecta e paisnan individual como na topiconan cu ta di interes comun pa Reino.

Ademas di e mandatarionan di husticia, ehecutivonan den e cadena hudicial di cada pais ta bin hunto pa atende cu aspectonan huridico cu ta afecta cada pais individualmente, pero tambe cu aspectonan cu tin un impacto colectivo den Reino.

Durante e reunion ta intercambia informacion y experencia entre Aruba, Corsou, Sint Maarten y Hulanda, mientras ta trata diferente tema cu tin relacion cu e desaroyo di husticia y siguridad den e paisnan.

Pa Aruba, e participacion den e Justitieel Vierlandenoverleg ta brinda un oportunidad pa presenta interesnan y puntonan di atencion di Aruba den Reino, pa intercambia experencia cu e otro paisnan y pa traha hunto pa sigui fortalece cooperacion hudicial. Durante e aña, ta organisa e Justitieel Vierlandenoverleg alternativamente na Aruba, Corsou, Sint Maarten y Hulanda.