KUERPO POLISIAL KÒRSOU 

KOMUNIKADO DI PRENSA

290/2026

7 sèptèmber 2026 

Dos detenshon pa violashon di lei di arma di kandela 

Djadumingu 6 di sèptèmber 2026 alrededor di 20.20’or un unidat di “Satis  est”: ku tabata patruyando den área di Dein, a duna shofùr di un vehíkulo,  un outo di famia, òrdu pa para pa un kontròl. 

Na lugá di sigui òrdu di polis, e shofùr a hisa velosidat i kore bai laga e  unidat. 

E unidat a kuminsá un persekushon i un ratu despues e shofùr a pèrdè  kontròl i bai aksidentá ku su outo kontra di un muraya. 

Den e outo polis a bin enkontrá un arma di kandela i tambe munishon ku a  keda konfiská. 

Na e sitio, a detené e hòmbernan J.N.H. i K.A.B. di respektivamente 39 i  42 aña di edat, ámbos nasé na Jamaica, pa violashon di e lei di arma di  kandela i no sigui òrdu di polis. 

A presentá e sospechosonan dilanti di un fiskal ouksiliar ku a ordená nan  enkarselamentu pendiente di mas investigashon.