DEPARTAMENTU DI ARBITRAHE KU OTRO KURSO DI ARBITRAHE! INISIO DI E KURSO LO TA 28 SÈPTÈMBER 2026!
DEPARTAMENTU DI ARBITRAHE KU OTRO KURSO DI ARBITRAHE!
INISIO DI E KURSO LO TA 28 SÈPTÈMBER 2026!
Despues ku e kurso básiko tras di lomba a resultá un éksito i nos a logra haña vários rèfri nobo ku ta áktivo dirigiendo nos weganan, Departamentu di Arbitrahe di FFK ta bai organisá e terser kurso di arbitrahe pa aña 2026. E kurso básiko aki tambe ta pa tur hende muhé i hòmber di 15 aña òf mas, pa dirigí entre otro weganan di Kampionato Hubenil, Kampionato Femenino i e Kampionatonan maskulino di FFK.
Departamentu di arbitrahe ta keda enkurashá spesialmente nos hende muhénan pa partisipá na e kurso aki debí ku no tin asina tantu hende muhé ku ta arbitro. FIFA ta stipulá ku partidonan di dama mester keda dirihí pa rèfrinan femenino.
Aparte di rèfrinan femenino, e enfoke di Departamentu di Arbitrahe ta riba kantidatonan ku dentro di 3 aña por subi lista di FIFA. Esaki dor di kumpli ku algun eksigensia básiko ku un rèfri mester tin pa a bin na remarke pa subi lista di FIFA.
E kurso lo inisiá 28 di sèptèmber próksimo di mitar di 7 pa mitar di 9 di anochi i lo finalisá 26 di òktober 2026 ku un èksamen di mitar di 7 di pa mitar di 9 di anochi.
E fecha ku orarionan ta lo siguiente:
| Dia | Fecha | Orario |
| Djaluna | 28 sèptèmber 2026 | 18:30 – 20:30 |
| Djárason | 30 sèptèmber 2026 | 18:30 – 20:30 |
| Djasabra | 3 òktober 2026 | 10:00 – 12:00 & 14:00 – 17:00 |
| Djaluna | 5 òktober 2026 | 18:30 – 20:30 |
| Djárason | 7 òktober 2026 | 18:30 – 20:30 |
| Djárason | 14 òktober 2026 | 18:30 – 20:30 |
| Djaluna | 19 òktober 2026 | 18:30 – 20:30 |
| Djárason | 21 òktober 2026 | 18:30 – 20:30 |
| Djasabra | 24 òktober 2026 | 10:00 – 12:00 & 14:00 – 17:00 |
| Èksamen | 26 òktober 2026 | 18:30 – 20:30 |
Ora kompletá e kurso ku éksito lo tin un periodo di ‘stage’ di 6 luna promé ku risibí e diploma.
Pa inskripshon por tuma kontakto ku departamentu di arbitrahe na referee@ffk.cw, por yama 7365040 ext 105 òf manda un ‘app’ na 5482310. Inskripshon ta kosta fl.10,- i e kurso mes ta grátis, ku tur material inkluí. Por inskribí te ku 23 di sèptèmber 2026.
Pa abo ku ta un hóben dinámiko ku outoridat i ku ambishon, esaki ta bo oportunidat pa bira rèfri.
Inskribí awe mes, Departamentu di Arbitrahe i FFK ta warda bo!
8 sèptèmber 2026
