KUERPO POLISIAL KÒRSOU 

KOMUNIKADO DI PRENSA

294/2026

11 sèptèmber 2026 

Sinku skuter prosedente di ladronisia konfiská 

Den oranan di atardi di djaweps 10 di sèptèmber 2026, polis a bin enkontrá  kuater (4) skuter hòrtá den un kas den konstrukshon den Tumbastraat. Ta trata aki di kuater skuter ku un dia anterior, malechornan a hòrtá for di  personanan ku a hür e skuternan aki na un kompania. 

Polis a konfiská nan pendiente di mas investigashon. 

Djis un ratu despues, siudadanonan atento a mèldu polis ku nan a tuma  nota ku personanan a bin skonde un skuter na un sitio banda di un konteiner  den área di Saliña. 

E personal ku ta enkargá ku investigashon tokante di ladronisia di vehíkulo  a bai na e sitio i a topa ku un skuter di kua un dia promé polis a tuma  denunsia di ladronisia di dje. 

E skuter aki tambe a keda konfiská. 

Kuerpo Polisial ta gradisí komunidat pa keda suministrá informashon na  momentu ku e tuma nota di kualke situashon sospechoso, di manera ku  polis por drenta akshon mesora. 

Nos ta apresiá e aporte balioso aki i ta pidi kada siudadano pa keda alerta  pa huntu nos sigui kombatí krímen den nos sosiedat.