Detenshon pa violashon di lei di arma di kandela i opio 

KUERPO POLISIAL KÒRSOU 

KOMUNIKADO DI PRENSA

300/2026

14 sèptèmber 2026 

Detenshon pa violashon di lei di arma di kandela i opio 

Den oranan di mainta di djaluna 14 di sèptèmber 2026, e Divishon di Krímen  Organisá den estrecho koperashon ku Defensa, R.S.T. i Koninklijke  Marechausse, a tene tres entrada hudisial. 

Nan a bishitá adrèsnan na Guanaweg, Yukonweg i Wishi. 

E entradanan hudisial tabata den kuadro di investigashon relashoná ku  posibel violashon di e lei di arma di kandela i opio. 

Na Guanaweg, a tuma lugá detenshon di e hòmber J.T. di 33 aña di edat. Den Yukonweg a detené e hòmber S.T. di 64 aña di edat. 

Ambos ta nasé na Kòrsou i a keda detené pa violashon di e lei di arma di  kandela. 

Durante di e entradanan hudisial, polis a konfiská diferente artíkulo ku ta di  importansia pa e investigashon. 

A presentá e sospechosonan dilanti di un fiskal ouksiliar ku a ordená nan enkarselamentu pendiente di mas investigashon.