“Loke a pasa e fin di siman akí mester preokupá nos tur. No solamente pasobra a usa un arma di kandela kontra propiedat di un agente polisial loke ta un krímen kastigabel, sino pasobra e reakshonnan despues ta mustra un tendensia ku nos no por ignorá: tin hende ta hustifiká i asta aploudí menasa, intimidashon i violensia.

KPCN a duna un mensahe kla: no ta tolerá violensia i intimidashon kontra agente polisial. Komo gezaghèber mi ta sostené e mensahe akí. Nos agentenan i tur hende ku ta traha pa seguridat i òrden públiko mester por hasi nan trabou sin intimidashon. Na momentu ku esnan ku ta traha pa siguridat i òrden públiko ta bou di menasa, nos estado di derecho ta bou di menasa.

Pero e prinsipio aki ta bai mas leu. Violensia no ta aseptabel kontra polis, kontra ambtenar, ni kontra ningun otro hende den nos komunidat.

Nos por tin desakuerdo. Nos por ta rabiá. Nos por ta krítiko. Esei ta parti di un komunidat kaminda hende tin libertat pa ekspresá nan mes. Pero rabia no ta un ekskusa pa menasa. Desakuerdo no ta un hustifikashon pa agreshon. I violensia no por bira nos manera di reakshoná riba otro.

Loke ta preokupá mi partikularmente ta ora nos kuminsá mira violensia na un manera diferente, dependé di ken e víktima ta. Ora nos bagatelisá, hustifiká òf asta aploudí violensia pasobra nos no ta di akuerdo ku e persona riba ken e violensia ta dirigí, nos ta normalisá algu ku bou di ningun sirkunstansia lo no por ta normal. Mi ta hasi un apelashon riba nos lidernan den e komunidat akí pa sali i kondená e menasa i agreshon ku ta tumando lugá den nos komunidat i espesialmente riba medionan sosial.

Nos tin ku puntra nos mes: esaki ta e Boneiru kaminda nos ke biba? Esaki ta e Boneiru ku nos ke laga pa nos yunan?

Mi ta hasi un yamada na nos komunidat: laga nos pensa promé ku nos reakshoná, skucha promé ku nos husga i sigui mira e ser humano den otro. Ningun hende mester biba ku miedu pa violensia. Kambio ta kuminsá ku nos mes.”

Gezaghèber John Soliano

“Wat er afgelopen weekend is gebeurd, moet ons allemaal zorgen baren. Niet alleen omdat er met een vuurwapen is geschoten op eigendom van een politieagent, wat strafbaar is, maar ook omdat de reacties daarna een ontwikkeling laten zien die we niet mogen negeren: bedreiging, intimidatie en geweld worden goedgepraat en soms zelfs toegejuicht.

KPCN heeft een duidelijke boodschap afgegeven: geweld en intimidatie tegen politieagenten worden niet getolereerd. Als gezaghebber sta ik volledig achter die boodschap. Onze politieagenten en iedereen die zich inzet voor de openbare orde en veiligheid moeten hun werk kunnen doen zonder te worden geïntimideerd. Wanneer de mensen die zich inzetten voor onze veiligheid en openbare orde worden bedreigd, komt ook onze rechtsstaat onder druk te staan.

Maar dit principe gaat verder. Geweld tegen politieagenten, ambtenaren of wie dan ook in onze samenleving is onacceptabel.

We mogen het met elkaar oneens zijn. We mogen boos zijn. We mogen kritisch zijn. Dat hoort bij een samenleving waarin mensen vrij zijn om hun mening te uiten. Maar boosheid is geen excuus voor bedreiging. Een verschil van mening is geen rechtvaardiging voor agressie. Geweld mag nooit de manier worden waarop we op elkaar reageren.

Wat mij vooral zorgen baart, is wanneer we anders naar geweld gaan kijken afhankelijk van wie het slachtoffer is. Wanneer we geweld bagatelliseren, goedpraten of zelfs toejuichen omdat we het niet eens zijn met degene tegen wie het is gericht, maken we iets normaal wat onder geen enkele omstandigheid normaal zou mogen zijn. Ik doe daarom een beroep op onze leiders binnen de gemeenschap om zich uit te spreken en de bedreigingen en agressie die binnen onze gemeenschap plaatsvinden, in het bijzonder op sociale media, duidelijk te veroordelen.

We moeten onszelf de vraag stellen: is dit het Bonaire waarin we willen leven? Is dit het Bonaire dat we aan onze kinderen willen achterlaten?

Daarom doe ik een beroep op onze gemeenschap: laten we nadenken voordat we reageren, luisteren voordat we oordelen en de mens in elkaar blijven zien. Niemand zou in angst voor geweld moeten leven. Verandering begint bij onszelf.”

Gezaghebber John Soliano