KUERPO POLISIAL KÒRSOU 

KOMUNIKADO DI PRENSA

323/2026

25 sèptèmber 2026 

Kaso di tiramentu ku morto 

Djabièrnè 25 di sèptèmber 2026 alrededor di 16.11’or, Sentral di polis a dirigí  unidat di warda di polis Barber pa Playa Jeremy, despues ku a drenta yamada  ku un hòmber a keda tirá na e playa. 

Na yegada di e unidat, el a komprondé ku e hòmber tabata sintá den su  vehíkulo tras di stür riba e lugá di stashoná outo na e playa. 

Diripiente dos hòmber ku kara tapá i brel di solo bistí, a sorprend’é i lòs  tirunan dirigí riba dje.  

Despues di esei nan a alehá for di e sitio pa djis despues regeresá i bolbe lòs  algun tiru riba e víktima. 

Seguidamente nan a hui den un SUV koló shinishi den direkshon di Lagun. E víktima tabatin herida na varios parti di su kurpa i a fayesé na e sitio mes. Dòkter di polis ku a presentá, a konstatá morto. 

Identidat di e víktima ta konosí pero ainda no por keda publiká 

Riba òrdu di fiskal di Ministerio Públiko, a konfiská e kurpa pa mas  

investigashon.