SOAW ta informá tokante petishon pa sosten temporal di shen florin
Desaroyo Sosial, Labor i Bienestar
SOAW ta informá tokante petishon pa sosten temporal di shen florin
Publiká riba 26 Sèptèmber 2026
Willemstad – Ministerio di Desaroyo Sosial, Labor i Bienestar (SOAW) ta informá ku Gobièrnu a prolongá e sosten ku tres(3) luna mas, di ougùstùs pa òktober.
E prolongashon ta konta solamente pa e grupo di personanan ku tin un entrada di:
• AOV, AWW (biuda i huérfano) bou di Cg 30.000,- pa aña.
• Onderstant.
E portal a keda será for di 31 di yüli 2026, pa tur petishon nobo, inkluso pa e grupo di trahadó i personanan ku un empresa chikí ku ta gana ménos ku 30 mil florin pa aña.
E próksimo fechanan di pago pa kobradónan di AOV i AWW (biuda i huérfano) ta:
• 9 di òktober 2026: pago di luna di sèptèmber
• 9 di novèmber 2026: pago di luna di òktober
Kobradónan di ònderstant:
• E pago di luna di sèptèmber a pasa dia 25 di sèptèmber 2026
• E pago di luna di òktober lo tuma lugá dia 23 di òktober 2026
Pa mas informashon por tuma kontakto ku e Tim di Sosten Temporal na telefòn 724-5300 òf via e-mail: sosten@soaw.cw