Petishon den kuadro di artikulo 96A di Reglamentu di Ordu di Parlamento di Kòrsou tokante oumento drástiko di tarifa di awa, koriente, gasolin i diesel 

Petishon den kuadro di artikulo 96A di Reglamentu di Ordu di Parlamento di Kòrsou tokante oumento drástiko di tarifa di awa, koriente, gasolin i diesel 

Apresiabel sr. Brownbill, 

Suskrito, miembro di frakshon di Movementu Futuro Kòrsou den Parlamento di Kòrsou, David Seferina, ta pidi bo atenshon pa lo siguiente. 

E último oumentonan di tarifa di gasolin, diesel, koriente i awa ta trese preokupashon intenso serka hopi hende. No ta trata solamente di un oumento na pòmp òf riba un faktura. Kada oumento den e gastunan básiko aki no solamente tin efekto riba presupuesto di famia, pero tambe riba gastunan di transporte, produkshon i negoshi, i eventualmente riba preis di produkto i 

servisio. 

Spesialmente pa famianan ku ya kaba ta lucha pa kubri nan gastunan kada luna, vários oumento den e mesun periodo ta pone preshon enorme riba nan situashon finansiero.